Litoŭskija fury pajechali ź miescaŭ stajanak u Kamienny Łoh i Bieniakoni
Raniej dazvalali vyjazdžać tolki tym litoŭskim furam, jakija zajechali ŭ Biełaruś paśla adkryćcia miažy.
Litoŭskija fury pajechali ź miescaŭ stajanak u Biełarusi ŭ Litvu praz «Kamienny Łoh — Miedniki» i «Bieniakoni — Salečniki». Pieraškod z boku Biełarusi na pieramiaščeńnie litoŭskich hruzavikoŭ niama, paviedamlaje kanał Infotrans Media Belarus.
Fury mohuć ruchacca ŭ bok Litvy praz dva pierachody — «Kamienny Łoh — Miedniki» i «Bieniakoni — Salečniki».
«Kamienny Łoh» zabity pad zaviazku litoŭskimi hruzavikami. Prapusknaja zdolnaść hruzavikoŭ na litoŭskich «Miednikach» nie pavialičyłasia, piša kanał. Usie 100% hruzavikoŭ, jakija jeduć ź Biełarusi ŭ Litvu, nakiroŭvajuć na renthien, adznačajuć u Asacyjacyi intermadalnych pieravozak i łahistyki («AIPŁ»).
Intensiŭny patok hruzavikoŭ idzie i ŭ zvarotnym kirunku ź Litvy ŭ Biełaruś. Na «Miednikach» ruch vielmi intensiŭny, adnak z boku Litvy pracuje tolki adno akno.
Paśla taho jak Litva zakryła miažu, Biełaruś u adkaz nie dazvoliła litoŭskim furam viarnucca ŭ Litvu. 20 listapada Litva miažu adkryła, ale furaŭ pa-raniejšamu nie vypuskali.
Kamientary
Aha, heta nie fotki rabić na začynienych i pustych Łavoriškach. Tut pracavać treba!
Voś mahčymaść pakazać svaju rašučaść i efiektyŭnaść nie tolki ŭ sacsietkach i navinach. I što bačym? "Ruch intensiŭny", "Kamienny Łoh zabity litoŭskimi furami."
Pracuje adno vakno. U napramku Litvy chutčej za ŭsie taksama.
A mahli by časova adčynić Łavoryški tolki pad fury i chutka prapuścić usich. Bolšaść tam staić u niekalki kiłamietrach ad miažy.
Nie, u Łavoriškach my tolki fotački robim, a nie mašyny prapuskajem. Nu, a kadi što - heta ŭsie režym tam vinavaty!
Ćfu, papulizm 80 uzroŭniu. Soramna za litoŭcaŭ.