Na vajnie z Ukrainaj zahinuŭ hramadzianin Polščy, były vajskoviec i były palicejski Ježy Tyc. Pra jaho hibiel paviedamili ŭ aficyjnym telehram-kanale ŭrada Kurskaj vobłaści.
Ježy Tyc, były artyleryst i eks-palicejski, byŭ kiraŭnikom miemaryjalnaha tavarystva «Kursk» u Polščy, što zajmałasia adnaŭleńniem manumientaŭ i voinskich pachavańniaŭ savieckich sałdat časoŭ Druhoj suśvietnaj vajny.
Jon kazaŭ, što zaŭsiody cikaviŭsia vajennaj historyjaj i skončyŭ vajennaje vučylišča. Pavodle jaho słoŭ, pakinuŭ armiju ŭ 1989 hodzie. «Ja nikoli nie słužyŭ u NATA, čym vielmi hanarusia», — havaryŭ jon. Tyc pajšoŭ u palicyju, a taksama zajmaŭsia baraćboj, pavodle jaho aznačeńnia, «z falsifikacyjaj historyi, źniščeńniem pomnikaŭ, vajnoj suprać miortvych».
Apošnija hady jon pražyvaŭ u Rasii. U 2020 hodzie ad Siarhieja Šajhu atrymaŭ miedal «Pamiaci abaroncaŭ Ajčyny».
Z pačatkam poŭnamaštabnaj vajny z Ukrainaj Ježy Tyc vajavaŭ na baku Rasii, uziaŭ sabie pazyŭny «Zyhmunt».
Kamientary