На вайне з Украінай загінуў грамадзянін Польшчы, былы вайсковец і былы паліцэйскі Ежы Тыц. Пра яго гібель паведамілі ў афіцыйным тэлеграм-канале ўрада Курскай вобласці.
Ежы Тыц, былы артылерыст і экс-паліцэйскі, быў кіраўніком мемарыяльнага таварыства «Курск» у Польшчы, што займалася аднаўленнем манументаў і воінскіх пахаванняў савецкіх салдат часоў Другой сусветнай вайны.
Ён казаў, што заўсёды цікавіўся ваеннай гісторыяй і скончыў ваеннае вучылішча. Паводле яго слоў, пакінуў армію ў 1989 годзе. «Я ніколі не служыў у НАТА, чым вельмі ганаруся», — гаварыў ён. Тыц пайшоў у паліцыю, а таксама займаўся барацьбой, паводле яго азначэння, «з фальсіфікацыяй гісторыі, знішчэннем помнікаў, вайной супраць мёртвых».
Апошнія гады ён пражываў у Расіі. У 2020 годзе ад Сяргея Шайгу атрымаў медаль «Памяці абаронцаў Айчыны».
З пачаткам поўнамаштабнай вайны з Украінай Ежы Тыц ваяваў на баку Расіі, узяў сабе пазыўны «Зыгмунт».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5656
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ56
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары