Avijakampanija Ryanair z 12 listapada admovicca ad papiarovych pasadačnych tałonaŭ u bolšaści aeraportaŭ svajoj sietki. Zarehistravacca na rejs i atrymać tałon ciapier budzie možna tolki praz mabilny dadatak.
Pieršapačatkova pierachod płanavali z 3 listapada, ale termin krychu adkłali. U kampanii adznačajuć, što ŭžo kala 80% pasažyraŭ karystajucca mabilnymi tałonami, tamu bolšaść klijentaŭ źmieny nie zakranuć. Da taho ž praz heta novaŭviadzieńnie abiacajuć skasavać płatu za rehistracyju ŭ aeraporcie (jakaja raniej u niekatorych krainach dachodziła da 30—40 jeŭra) i aščadzić kala 300 ton papiery štohod.
Pakul što buduć, praŭda, vyklučeńni: u Ałbanii, Maroka i aeraportach jašče niekalkich krain pakul niama techničnaj padtrymki QR-kodaŭ. Ale, pavodle infarmacyi Ryanair, jany ŭžo viaduć pieramovy ź miascovymi ŭładami i, naprykład, u Ałbanii elektronnyja tałony dazvolać z sakavika 2026 hoda.
Asnoŭnaje pytańnie — što rabić tym, u kaho niešta zrabiłasia sa smartfonam. U kampanii adkazvajuć: kali telefon razradzicca, złamajecca abo zhubicca, pasadačny tałon usio ž razdrukujuć biaspłatna, a pry nieabchodnaści pasažyra zmohuć pasadzić pa śpisie. Hałoŭnaja ŭmova — prajści rehistracyju praz dadatak zahadzia.
Papularny łaŭkostar Ryanair pavialičvaje pamier biaspłatnaj ručnoj pakłažy
Ryanair budzie štrafavać pasažyraŭ, što spaźnilisia na rehistracyju
Biełarusku ŭ Polščy nie puścili na bort Ryanair z prajaznym dakumientam. Ale jana zmahła damahčysia kampiensacyi
Samalot Ryanair ździejśniŭ samy karotki palot u historyi. Usiaho siem kiłamietraŭ
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary