Tramp zajaviŭ pra ŭviadzieńnie dadatkovych pošlin 100% na tavary z Kitaja
ZŠA taksama ŭviaduć ekspartny kantrol u dačynieńni da krytyčna važnaha prahramnaha zabieśpiačeńnia.
Fota: Anna Moneymaker/Getty Images
Prezident ZŠA Donald Tramp zajaviŭ, što ź listapada ŭviadzie dadatkovyja 100‑pracentnyja taryfy na impart z Kitaja, piša Bi-bi-si.
U paviedamleńni Trampa ŭ sacsietcy TruthSocial skazana, što ZŠA taksama ŭviaduć ekspartny kantrol u dačynieńni da krytyčna važnaha prahramnaha zabieśpiačeńnia.
Raniej u piatnicu prezident ZŠA rezka adreahavaŭ na rašeńnie Piekina ŭzmacnić praviły ekspartu redkaziamielnych mietałaŭ, abvinavaciŭšy Kitaj u «varožaści» i sprobie «trymać śviet u zakładnikach».
Jon prystrašyŭ admianić sustreču sa staršynioj KNR Si Czińpinam, ale paźniej udakładniŭ, što ŭsio ž taki nie admianiŭ jaje, choć i «nie ŭpeŭnieny, što jana adbudziecca».
«Ja ŭsio roŭna budu tam», — skazaŭ jon žurnalistam u Biełym domie.
Mierkavałasia, što jany sustrenucca na samicie ATES u Paŭdniovaj Karei, jaki pavinien prajści z 31 kastryčnika pa 1 listapada 2025 hoda.
Finansavyja rynki adreahavali na zajavu Trampa padzieńniem: indeks S&P 500 zakryŭsia z panižeńniem na 2,7% — samym rezkim z krasavika.
Kitaj utrymlivaje suśvietnaje lidarstva ŭ vytvorčaści redkaziamielnych mietałaŭ i inšych klučavych materyjałaŭ, jakija vykarystoŭvajucca ŭ aŭtamabilach, smartfonach i mnostvie inšych tavaraŭ.
Paśla papiaredniaha ŭzmacnieńnia ekspartnaha kantrolu z boku Kitaja — u adkaz na pavyšeńnie taryfaŭ z boku ZŠA — mnohija amierykanskija kampanii vykazali zaniepakojenaść. Aŭtavytvorca Ford navat byŭ vymušany časova prypynić vytvorčaść.
Akramia taho, Kitaj pačaŭ antymanapolnaje rasśledavańnie ŭ dačynieńni da amierykanskaj technałahičnaj kampanii Qualcomm. Niahledziačy na toje, što Qualcomm bazujecca ŭ ZŠA, značnaja častka jaje biźniesu skancentravana ŭ Kitai.
Piekin taksama zajaviŭ, što ŭviadzie novyja partovyja zbory dla sudnaŭ, źviazanych z ZŠA, uklučajučy tyja, što naležać abo kirujucca amierykanskimi kampanijami.
«U Kitai adbyvajucca vielmi dziŭnyja rečy! — napisaŭ Tramp u sacsietkach u piatnicu. — Jany stanoviacca vielmi varožymi».
Z maja pamiž ZŠA i Kitajem dziejničaje chistkaje handlovaje pieramirje: baki damovilisia admovicca ad trochznačnych taryfaŭ, jakija praktyčna spynili handal pamiž krainami.
Tym nie mienš, amierykanskija tavary pa-raniejšamu abkładajucca dadatkovym 30‑pracentnym taryfam u paraŭnańni z pačatkam hoda, a kitajskija — novym 10‑pracentnym taryfam pry ŭvozie ŭ ZŠA.
Z tych časoŭ baki praviali šerah pieramovaŭ pa pytańniach ab pravach ułasnaści na sacsietku TikTok, sielskahaspadarčych zakupkach, handli redkaziamielnymi mietałami i pieradavymi technałohijami, uklučajučy paŭpravadniki.
Čakałasia, što hetyja pieramovy praciahnucca na samicie ŭ Paŭdniovaj Karei.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary
Nie v kursie, čto vmiesto toho, čtoby vypołniať vziatyje na siebia obiazatielstva, priedyduŝimi administracijami, po inviestiryvaniju i zaŝitie intieriesov stran s riedkoziomami, riešili strielať po łodkam, u bieriehov Vieniesueły, s pomoŝju avianościev ?
Nie v kursie toho, čto vsia, vojenač moŝ SŠA brošiena na riejdy po zavodam SŠA v poiskach nielehałov ?
Nie v kursie toho, čto rukovoditiel ministierstva vojny SŠA zaniat borodami, jubkami, životami i raźmierom talii hienierałov ?
Nie v kursie toho, čto raźviedsłužby, pod rukovodstvom tusi habort, zaniaty raskrytijem masonsko-jevriejsko-diemokrato-libierało-marsianskich zahovorov, protiv mirotvorca trampa ?
Nie v kursie toho, kakim pšikom zakončiliś popytki vviedienija tarifov, trampoi, protiv Kitaja, v tiečienii priedyduŝich 8 miesiaciev ?