38‑hadovy hramadzianin Biełarusi byŭ zatrymany ŭ miunchienskim aeraporcie pierad vyletam u Antalju — pry praviercy vyśvietliłasia, što jon maje niavypłačany štraf u Hiermanii.
U mižnarodnym aeraporcie Miunchiena za zapazyčanaść zatrymali 38‑hadovaha biełarusa, piša «Biełaruś i śviet» sa spasyłkaju na palicyju.
U sieradu 8 kastryčnika biełarus źbiraŭsia vylecieć u tureckuju Antaliju. Pry praviercy vyśvietliłasia, što ŭ dačynieńni da mužčyny prakuraturaj Ciubinhiena vydadzieny ordar na aryšt: u krasaviku 2025 hoda sud prysudziŭ jamu štraf u pamiery 2 880 jeŭra za kradziež.
Pakolki biełarus jašče nie vypłaciŭ hetu sumu i nie zmoh zrabić heta ŭ aeraporcie, jaho adpravili adbyć pakarańnie ŭ vyhladzie turemnaha źniavoleńnia na 48 dzion.
Mužčynu aryštavali i dastavili ŭ papraŭčuju ŭstanovu Erdynha.
Kamientary