U Minsku stvaryli mietrovy tort u vyhladzie karty Biełarusi z usimi słavutaściami
Tort zrabili pamieram amal mietr na mietr, a važyć kala 40 kiłahramaŭ. Na im raźmiaścilisia zubry, busły i navat aŭtamabil «BiełAZ». U pracesie stvareńnia byli vykarystanyja elemienty malekularnaj kuchni, piša «Anłajnier».
Dekor torta vykanany ŭručnuju i ŭznaŭlaje znakavyja słavutaści i simvały kožnaha rehijona: ad Nacyjanalnaj biblijateki i Bresckaj krepaści da karjernych samazvałaŭ, Biełaviežskaj puščy, busłoŭ i zubroŭ.
Roznyja vobłaści na torcie majuć unikalnuju jahadna-travianuju načynku ŭ dadatak da kłasičnaha kremu na asnovie kremčyzu.
Chto ž tyja ščaśliŭcy, jakija zmahli paspytać tort na smak? Akazałasia, što jaho stvaryli pa zamovie hrupy kampanij Megatop, tamu hałoŭnyja dehustatary — rabotniki pradpryjemstva.
U arhanizacyi raskazali: raniej Megatop raspracavaŭ recept budučaha torta-lehiendy, takoha jak «Praha», «Kijeŭski» abo «Leninhradski», ale ź biełaruskimi smakami. U skład uvajšli biskvit, advary miascovych traŭ i jahadnyja piure.
Na konkurs pa pošuku imia i dyzajnu dla torta pastupiła bolš za 50 rabot. Vyniki padviaduć 13 kastryčnika. Pieramožca stanie saaŭtaram kulinarnaha šedeŭra i atrymaje hadavy zapas abutku ŭ padarunak.
Ciapier čytajuć
Nasta Bazar pastupiła na prahramu Kalinoŭskaha i choča stać sacyjałahiniaj: «Vučoba paśla 40 hadoŭ — svojeasablivy eliksir maładości»72
Kamientary