Tolki adzin sa sta biełaruskich baćkaŭ vyrašaje skarystacca pravam pajści ŭ adpačynak pa dohladzie dziciaci, pišuć «Minsk-Naviny».
Jak raskazali ŭ Ministerstvie pracy i sacyjalnaj abarony, baćki ŭ krainie mohuć raźličvać na 11 vidaŭ dapamoh. Pamier vypłat raście razam ź biudžetam pražytačnaha minimumu i pieraličvajecca niekalki razoŭ na hod.
— Pry naradžeńni pieršaha dziciaci siamja atrymlivaje adnarazovuju dapamohu. Siońnia jana składaje 10 BPM — 4 877,20 rubla. Pry naradžeńni druhoha i nastupnych dziaciej — 14 BPM — 6 828,08 rubla, — adznačyli ŭ viedamstvie. — Akramia hrašovych vypłat, u maci (i nie tolki) jość mahčymaść pajści ŭ adpačynak pa dohladzie za dziciem. Jon apłačvajecca i adzin z samych praciahłych u śviecie — try hady.
Atrymać taki adpačynak moža luby člen siamji — maci, baćka, babula, dziadula, ciotka abo dziadźka.
— Dziaržava vypłačvaje štomiesiačnuju dapamohu pa dohladzie za małym da troch hadoŭ. Jaje pamier na pieršaje dzicia składaje 931,92 rubla, na druhoje i nastupnych dziaciej — 1 065,04 rubla, na dzicia-invalida — 1 198,17 rubla, — udakładnili ŭ Minpracy. — Pryčym mama ci inšy člen siamji, jaki znachodzicca ŭ dekretnym adpačynku, u luby čas moža vyjści na pracu. Tady pamier dapamohi źmienicca i budzie zaležać ad režymu pracy: nie bolš, čym na 0,5 staŭki — zachavajecca ŭ poŭnym abjomie, na poŭnuju staŭku — 50% ad dapamohi.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary
[Zredahavana]
Na samom diele mužikam nado i s dieťmi posidieť ,i babło dostať.
A 99% žienŝin prosto oformleny v diekrietnyj otpusk za eti niebolšije dieńhi.