Pit Chiehset zaklikaŭ sajuźnikaŭ naraścić pastaŭki ŭzbrajeńniaŭ Ukrainie
Ministr vajny ZŠA Pit Chiehsiet padčas sustrečy z kalehami ź inšych zachodnich krain u farmacie «Ramštajn» padkreśliŭ, što dla strymlivańnia rasijskaj ahresii krytyčna važnyja bajazdolnaja ŭkrainskaja armija i mocnaje NATA pad kiraŭnictvam jeŭrapiejskich sajuźnikaŭ.
Pit Chiehset adznačyŭ, što samym efiektyŭnym strymlivańniem rasijskaj ahresii źjaŭlajucca:
- śmiertanosnaje, bajazdolnaje i kiravanaje Jeŭropaj NATA;
- bajazdolnaja, i nadziejnaja ŭkrainskaja armija, zdolnaja abaranić siabie i praciahvać strymlivać rasijskuju ahresiju ŭzdoŭž miežaŭ NATA.
Amierykanski ministr taksama dadaŭ, što pryncyp «mir praź siłu» zastajecca klučavym dla zaviaršeńnia vajny va Ukrainie.
«Pad niepachisnym kiraŭnictvam prezidenta Trampa i, u pryvatnaści, z našymi jeŭrapiejskimi sajuźnikami my pakładziem kaniec vajnie va Ukrainie. Vajna pavinna skončycca», — skazaŭ Chiehset.
Kiraŭnik Pientahona zaklikaŭ sajuźnikaŭ praciahvać finansavańnie inicyjatyvy PURL (Prioritized Ukraine Requirements List), jakaja dazvalaje jeŭrapiejskim krainam apłačvać amierykanskaje ŭzbrajeńnie dla Ukrainy, uklučajučy vysokatechnałahičnyja sistemy SPA, artyleryju, supraćtankavuju zbroju i bojeprypasy.
«Kali hety kanflikt nie skončycca, kali nie źjavicca šlach da miru ŭ karotkaterminovaj pierśpiektyvie, ZŠA razam z sajuźnikami raspačnuć kroki, kab uskłaści vydatki na Rasiju», — skazaŭ Chiehset.
Tramp: Miru va Ukrainie dasiahniom praź siłu
Mark Rute abviaściŭ pra zapusk śpiecyjalnaj prahramy NATA dla abarony ŭschodniaha fłanhu aljansu
Viadučyja suśvietnyja ŚMI admovilisia padpisvacca pad novymi praviłami Pientahona. Im pahražaje pazbaŭleńnie akredytacyi
U ZŠA anansavali «vialikuju zajavu» pa pastaŭkach zbroi Ukrainie
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada20
Kamientary