U «domie Čyža» pradajecca kvatera płoščaj 467 kvadratnych mietraŭ z terasaj
ŽK «U Trajeckaha» byŭ pabudavany jašče ŭ 2011 hodzie. Kvadratnyja mietry tut mahli sabie dazvolić tolki vielmi zabiaśpiečanyja ludzi. I niekatoryja ź ich, miarkujučy pa ŭsim, brali mietry ŭ jakaści inviestycyjnaha prajekta. Tamu navat zaraz na rynku źjaŭlajucca «kansiervy», piša Onliner.by.
377‑mietrovuju kvateru z terasaj i biez azdableńnia prosta zaraz pradajuć praz servis «Damy i kvatery». Žyllo karaleŭskaj płoščy znachodzicca na vośmym i dziaviatym pavierchach (z 12). Płaniroŭka ŭ kvatery vielmi cikavaja: šmat škła i paŭkruhłych ścien. Ahulny mietraž raźbity na dva ŭzroŭni.
Złučalnaje źviano — leśvica, jakaja raźmieščana praktyčna ŭ centry kvatery. Na druhim paviersie jana miažuje z terasaj i nahadvaje mini-aranžareju.
Žyłyja pakoi ŭ kvatery prastornyja — pa 24—45 mietraŭ. Da adnoj sa spalniaŭ prymykajuć nie tolki ŭłasny sanvuzieł i harderobnaja, ale i niešta nakštałt buduara na 16 mietraŭ. Uvohule, žyćcio možna aformić vielmi pryhoža.
Vidy z voknaŭ — asobnaja tema: horad i Śvisłač jak na dałoni.
«Ahulnaja płošča kvatery — 377 kvadratnych mietraŭ. Terasa — z panižajučym kaeficyjentam. Kali ličyć bieź jaho, to płošča kvatery z terasaj amal 467 «kvadrataŭ». Na kožnym z pavierchaŭ — panaramnaja haścioŭnia ź vidami na Śvisłač i Stary horad.
Dva mašyna-miescy na minus pieršym uzroŭni ŭ padarunak budučym žycharam U domie padziemny parkinh ź liftam prama ŭ padjezd. Uładkavanaja zakrytaja dvarovaja terytoryja sa spartyŭnaj i dziciačymi placoŭkami. Kruhłasutačnaja sistema achovy i videanazirańnia, kanśjerž. Kali vy šanujecie biaśpieku, kamfort i ŭtulnaść, to hetaja kvatera dakładna dla vas! Telefanujcie i prychodźcie. Vam abaviazkova spadabajecca!» — pierakanana ahienctva, jakoje zajmajecca prodažam abjekta.
Acanili kvateru surjozna: u 3 729 000 rubloŭ, ci $1 250 000 pa kursie. To-bok adzin «kvadrat» vychodzić u rajonie $3315 u ekvivalencie. Heta, nahadajem, biez ramontu.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary