Były ŭdzielnik rasijskaha hurta «Lube» skłaŭ paŭnamoctvy sienatara, kab pajści na vajnu
Były hitaryst rasijskaha hurta «Lube» Alaksandr Vajnbierh daterminova skłaŭ paŭnamoctvy sienatara, kab pajści na vajnu va Ukrainie, piša «Mieduza».
Člen Savieta Fiederacyi ad Nižaharodskaj vobłaści Alaksandr Vajnbierh daterminova skłaŭ svaje paŭnamoctvy «ŭ suviazi z asabistym rašeńniem adpravicca na SVA».
Učora kiraŭnik kamiteta pa rehłamiencie SF Viačasłaŭ Cimčanka taksama zajaviŭ RBK, što rašeńnie Vajnbierha skłaści paŭnamoctvy było asabistym, «nichto da jaho pretenzij nie maje».
Alaksandr Vajnbierh u 1990—1994 hadach byŭ hitarystam hurta «Lube». Jon pryjšoŭ u palityku ŭ 2000-ch, pracavaŭ u zakanadaŭčym schodzie Nižaharodskaj vobłaści, a členam Savieta Fiederacyi staŭ u 2011 hodzie. Paŭnamoctvy Vajnbierha ŭ vierchniaj pałacie parłamienta zakančvalisia b u vieraśni 2026 hoda.
Kamientary