Jak Kola Łukašenka naviedaŭ kramu pad Oršaj i ŭčyniŭ piarepałach
«Mikałaj zajšoŭ u mahazinčyk, a tam była adna bułačka».
Niadaŭna adnoj z zadač čynoŭnikam było pastaŭlena naviedvać kramy z pravierkami. Byłaja deputatka Minharsavieta Volha Ciesakova raskazała pra kurjozy, jakija zdaralisia, kali čynoŭniki kudyści zachodzili nie pa płanie.
U intervju jutub-prajektu «ČastnOK-LIVE» jana zhadała vypadak z Natallaj Kačanavaj.
Tak, padčas adnaho z vyjaznych pasiadžeńniaŭ Rady pa miascovym samakiravańni ŭ adnym z rajonaŭ krainy Kačanava niezapłanavana naviedała kramu, dzie nie znajšła masła. Usio skončyłasia skandałam i apraŭdańniami miascovych čynoŭnikaŭ, što «byŭ supierpopyt i nie paśpieli zavieźci novaje».
Byŭ kurjoz i z Kolem Łukašenkam.
«Pa-mojmu, u Barani (niedzie tam niedaloka — moža, Łukašenka jeździŭ u Aleksandryju, i jany pobač prajazdžali, ci jašče niešta) chadziŭ Mikałaj nieprykajany. Zajšoŭ u mahazinčyk. A tam była adna bułačka.
Zrabili zvanok — «A-ta-ta!». Navieźli hetych bułak, chleba… A popytu niama. I potym heta ŭsio vykinuli. Ale heta była takaja isteryka, što «Mikałaj pryjšoŭ, a bułačak niama», — zhadvaje Ciesakova.
Kamientary