Pa kryminalnaj spravie asudzili Kaciarynu Žaŭtanohu, advakatku Ściapana Łatypava
Advakackaje biuro, u jakim pracavała Žaŭtanoha, śpiecyjalizavałasia na kansultavańni biznesu, ale ŭ 2020‑m pierakvalifikavałasia na administratyŭnaje prava i biaspłatna dapamahała zatrymanym na Akreścina.
Kaciarynie Žaŭtanoha 42 hady. U 2004‑m hodzie jana skončyła jurfak Biełaruskaha dziaržaŭnaha ŭniviersiteta. Z taho času Kaciaryna pracuje jurystkaj.
U 2013‑m hodzie jana pierajšła na pracu ŭ advakackaje biuro «Vierdykt». Jaje śpiecyjalizavacyja — kansultavańnie i abarona ŭ śfiery biznesa. Naprykład, u 2016‑m jana abaraniała pracaŭnikoŭ «Absalutiuiznesa», jakich kinuŭ z daŭhami kitajski biznesmen.
Kaciaryna ŭdzielničała ŭ sacyjalnych prajektach — naprykład, raskazvała pra prajekt «Imiony». U Kaciaryny jość dačka, jakoj ciapier 10 hadoŭ.
U 2020‑m jana pierakvalifikavałasia na administratyŭnaje prava i pačała abaraniać paciarpiełych ad represijaŭ. Kaciaryna była advakatam-vałancioram dla tych, kaho sadzili na sutki, a taksama abaraniała Ściapana Łatypava da pazbaŭleńnia jaje licenzii.
U Kaciaryny zabrali licenziju ŭ lipieni 2021 hoda. Farmalnaj pryčynaj było «sistematyčnaje parušeńnia patrabavańniaŭ i ŭmoŭ advakackaj dziejnaści».
Paśla hetaha Kaciaryna pierajšła ŭ inšuju śfieru — pracuje ŭ karekcyjnym centry Majak, dzie dapamahajuć dzieciam z asablivaściami raźvićcia. Miarkujučy pa sacsietkach, jana vykonvaje tam administratyŭnyja funkcyi.
Kaciarynu Žaŭtanohu asudzili ŭ 2025‑m hodzie za «raspalvańnie varožaści» (č. 1 art. 130 KK). Sutnaść abvinavačańniaŭ, jak i dakładny prysud nieviadomyja, ale Kaciarynie prysudzili chimiju.
«Naša Niva» — bastyjon biełaruščyny
PADTRYMAĆ
Kamientary
A to hučniej za ŭsio pra "kałchoźnika" skuholać tyja, chto stvaraŭ tut russkij mir razam z Łukašenkaj.