Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
U MUS paviedamili, što hrodzienskija błohiery Michaił Drahun i Jaŭhienija Tarasienka, jakija źbirali hrošy na lačeńnie ciažkachvoraha dziciaci, patracili častku srodkaŭ na darahi aŭtamabil i kvateru ŭ elitnym domie.
Jak vyśvietlili siłaviki, paśla pačatku zboru achviaravańniaŭ u sacyjalnych sietkach błohieraŭ źjaviŭsia kantent pra «pryhožaje žyćcio». Padčas pieratrusaŭ u ich žylli znajšli vialikuju kolkaść najaŭnych hrošaj i darahuju techniku. Dla vyvadu srodkaŭ jany vykarystoŭvali bankaŭskija karty znajomych.
«Jany nabyli premium-aŭto koštam u dziasiatki tysiač dalaraŭ i kvateru ŭ elitnym ŽK u abłasnym centry. U žylli znojdziena šmat najaŭnych hrošaj i darahija hadžety», — zajaŭlajuć u milicyi.
Jak śćviardžaje MUS, kali b hrošy sapraŭdy pajšli na lačeńnie chłopčyka, to zbor na jaho patreby ŭžo byŭ by zakryty.
Viedamstva apublikavała i videa z zatrymanymi, a taksama ich siabrami i mamaj dziciaci, dla jakoha byŭ arhanizavany zbor. Žančyna ŭ roliku havoryć, što padčas žyvych efiraŭ «prosta siadzieła pobač» z partnioram, a chłopiec śćviardžaje, što žyvie na hrošy, atrymanyja ad rekłamy. Pa jaho słovach, z sabranych hrošaj jon uziaŭ sabie «daj boh adzin pracent», paśla papraviŭ na piać pracentaŭ. «Nu tysiač dziesiać dalaraŭ — voś toje, što ja sabie asabista pakinuŭ», — zajaviŭ jon urešcie.
Raniej paviedamlałasia, što supracoŭniki adździeła baraćby z ekanamičnymi złačynstvami zatrymali 17‑hadovaha błohiera Michaiła Drahuna i jaho 37‑hadovuju sužycielku Jaŭhieniju Tarasienku. Tyja źbirali hrošy, pravodziačy rozyhryšy siarod padpisčykaŭ — za 10 rubloŭ možna było vyjhrać smartfon abo aŭtamabil.
Usiaho jany sabrali kala 1,5 miljona rubloŭ, ź jakich maci dziciaci pieradali 200 tysiač. 315 tysiač pajšło na pryzy, a astatniuju sumu para prysvoiła sabie.
Suprać zatrymanych zaviali kryminalnuju spravu pa artykule ab machlarstvie ŭ asabliva bujnym pamiery. Im pahražaje da 12 hadoŭ pazbaŭleńnia voli.
Maci chłopčyka z Hrodna, jakomu dapamahali źbirać hrošy zatrymanyja błohiery: Jany pieradali nam 257 tysiač, dla nas heta vielizarnyja hrošy
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ
Chto tyja 17‑hadovy błohier i jaho 37‑hadovaja niaviesta, jakija šykoŭna žyli na miljon, skradzieny sa zboru na chvoraje dzicia?
17‑hadovy błohier i jaho 37‑hadovaja dziaŭčyna patracili na siabie miljon rubloŭ, sabrany na dabračynnaść
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać6
Kamientary