Nazvali samuju biaśpiečnuju krainu śvietu dla pajezdak

Berkshire Hathaway Travel Protection apublikavała śviežy rejtynh biaśpieki, składzieny na asnovie danych «Hłabalnaha indeksu mirnalubstva» (Global Peace Index), Numbeo i siaredniaha pakazčyka GeoSure Global dla najbujniejšych haradoŭ kožnaj krainy.

Kampanija praanalizavała hetyja statystyčnyja danyja razam z vynikami apytańnia amierykanskich padarožnikaŭ, jakija naviedali vybranyja krainy za apošnija piać hadoŭ.

Samaja biaśpiečnaja kraina ŭ 2026 hodzie

Niderłandy zaniali pieršaje miesca dziakujučy vysokim pazicyjam u «Hłabalnym indeksie mirnalubstva» i na płatformie Numbeo; pry hetym Haaha i Ejndchovien uvajšli ŭ top-12. Padarožniki taksama vysoka acanili krainu za miery ŭ śfiery achovy zdaroŭja, adznačajučy, što heta biaśpiečny napramak dla žančyn, LGBTQIA+-padarožnikaŭ i ludziej z roznym koleram skury.

Adnak ekśpierty pa padarožžach usio ž papiaredžvajuć turystaŭ «hladzieć pa bakach» z-za viełasipiedystaŭ, bo ŭ mnohich niderłandskich haradach jość vieładarožki i pierad pierachodam treba hladzieć u abodva baki. «Zachapleńnie maładych viełasipiedystaŭ chutkasnymi elektrarovarami, jakija nahadvajuć mini-bajki, dadaje jašče adzin elemient niebiaśpieki», — havorycca ŭ spravazdačy.

Choć Aŭstralija zaniała druhoje miesca, śpis lidaraŭ u asnoŭnym składajuć jeŭrapiejskija krainy.

Faktyčna, ź dziesiaci samych biaśpiečnych krain dla padarožnikaŭ u 2026 hodzie pałova znachodzicca ŭ Jeŭropie. A ŭ top-15 Jeŭropa zaniała až dźvie treci pazicyj.

Rejtynh biaśpiečnych krain:

• Niderłandy
• Aŭstralija
• Aŭstryja
• Isłandyja
• Kanada
• Novaja Ziełandyja
• Abjadnanyja Arabskija Emiraty
• Šviejcaryja
• Japonija
• Irłandyja
• Bielhija
• Partuhalija
• Francyja
• Vialikabrytanija
• Danija

Ci stała Isłandyja mienš biaśpiečnaj?

Choć letaś Isłandyja była lidaram — i pavodle «Hłabalnaha indeksa miralubnaści» ličycca samaj mirnaj krainaj na płaniecie, — u ciapierašnim śpisie dla padarožnikaŭ jana apynułasia na 4‑m miescy.

Ź viaršyni jaje źmiaścili šmatlikija vyviaržeńni na paŭvostravie Rejkjanies, dzie znachodzicca sieryja vułkaničnych krateraŭ Sundchnukshihar, jakija vypuskali ŭ nieba słupy dymu, a mahutnyja patoki łavy prarvali achoŭnyja barjery kala rybackaha haradka Hryndavik. Z metaj pieraściarohi turystaŭ z raźmieščanaha pablizu papularnaha hieatermalnaha spa-kurorta «Błakitnaja łahuna» daviałosia evakujavać.

«Vyviaržeńni zaŭsiody niasuć ryzyku parušeńniaŭ, ale ŭ Isłandyi jany asabliva prablematyčnyja, bo patoki łavy vielmi časta zakranajuć adziny asnoŭny šlach, što apajasvaje krainu», — havorycca ŭ spravazdačy. «Heta moža pakinuć padarožnikaŭ u składanym stanoviščy».

Niahledziačy na vułkaničnuju aktyŭnaść, za pieršyja dzieviać miesiacaŭ 2025 hoda Isłandyju naviedali 1,8 miljona zamiežnych turystaŭ, i kraina raźličvaje na patencyjna rekordny hod.

• 3
• 1
• 3
• 3
• 0
• 0
• 0
• 2