Dziciačy sad u Breście ŭsio ž budzie. Čynoŭniki kažuć, što pierakanali piensijanieraŭ
Pažyłyja žychary mikrarajona raniej vystupali suprać sadka.
U Breście ŭžo nie pieršy miesiac ciahnucca sprečki vakoł budaŭnictva novaha dziciačaha sadka ŭ mikrarajonie Paŭdniovy. Moładź prosić jaho zrabić, kab nie vazić dziaciej praz pałovu horada, a piensijaniery suprać, kab parušali ich spakoj i addavali pad sad miesca, dzie byŭ mini-rynak.
Staršynia Bresckaha harvykankama Siarhiej Łabadzinski 5 listapada sustreŭsia z žycharami vulicy Žukava, jakija byli suprać budaŭnictva novaha dziciačaha sadka, kab usio abmierkavać. Harvykankam paviedamlaje, što ŭdałosia damovicca — dziciačy sadok na 190 miescaŭ budzie.
«Dovady ŭłady ich pierakanali, piarečańniaŭ suprać budaŭnictva bolš niama. Bolš za toje, žychary damoŭ pa Žukava, jakija pryjšli ŭ harvykankam, buduć aktyŭna prasoŭvać hetuju pazicyju siarod svaich susiedziaŭ», — zapeŭnivajuć miascovyja ŭłady.
Kamientary