Asacyjacyja pieravozčykaŭ Litvy: Situacyja z furami na biełaruskaj miažy paharšajecca, pieravozčyki stomlenyja i złyja
Prezident litoŭskaj nacyjanalnaj asacyjacyi aŭtamabilnych pieravozčykaŭ Erłandas Mikienas raspavioŭ «Svabodzie» pra situacyju na biełaruskaj miažy, dzie zachraśli kala tysiačy litoŭskich fur z kiroŭcami.
«Situacyja stała horšaj, čym była ŭ piatnicu. Biełaruskaja milicyja pačała stavić fury na admysłovyja placoŭki, nie daje mahčymaści dajechać da miažy. Značyć, pieravozčyki buduć vymušanyja płacić za stajanku. Kali adkryjuć miežy, moža ŭžo nie treba buduć hetyja fury, heta stanie ekanamična niavyhadna», — paviedamiŭ surazmoŭca.
Pavodle słoŭ prezidenta asacyjacyi, situacyja ŭskładniajecca adsutnaściu sanitarnych umoŭ dla kiroŭcaŭ, jakija vymušanyja znachodzicca pobač z furami.
Niekatoryja ź ich źjaŭlajucca biełaruskimi hramadzianami, jany taksama nie mohuć nakiravacca dadomu adpačyvać, kab nie kidać transpart.
«Stanovišča vielmi surjoznaje, pieravozčyki stomlenyja i złyja. Na miažy kala tysiačy ciahačoŭ, my taksama nie viedajem, kolki mašyn jašče ŭ Biełarusi. Dojdziem da taho, što kiroŭcy prosta kinuć techniku i pakinuć jaje biez nahladu. Viadoma, što i mnohija hruzy mohuć prosta sapsavacca», — kaža Erłandas Mikienas.
10 listapada stała viadoma, što pa zahadzie Łukašenki ŭsie litoŭskija fury, jakija znachodziacca ŭ Biełarusi, nakiravali na stajankach la punktaŭ pierachodu, uziali pad achovu i patrabujuć apłaty za zachoŭvańnie — 120 jeŭra ŭ sutki.
«Chaču zajavić: my hatovy da adkryćcia miažy daŭno. My jaje nie zakryvali. Na praciahu niekalkich hadzin jana z našaha boku moža adnavić svaju pracu. Pamiežniki ŭ cełym da hetaha hatovyja», — skazaŭ Łukašenka na naradzie 10 listapada.
Łukašenka paviedamiŭ, što litoŭski bok źviarnuŭsia na ŭzrovień Lidskaha pamiežnaha atradu, kab viarnuć svaje mašyny, što zatrymalisia na biełaruskim baku paśla zakryćcia miažy.
Mytny kamitet Biełarusi zajaviŭ, što litoŭskija hruzaviki pakinuć Biełaruś tolki paśla adkryćcia Litvoj miažy.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary