Padatkovaja pravieryła pryvatnyja miedcentry i znajšła 15 miljonaŭ rubloŭ schavanaj vyručki
Padatkovyja orhany praviali sieryju pravierak u kamiercyjnych miedycynskich centrach Minska i rehijonaŭ i vyjavili šmat vypadkaŭ skaračeńnia dachodaŭ ad padatkaabkładańnia. Ahulnaja škoda, jakuju naličyli, pieravysiła 700 tys. rubloŭ, paviedamili ŭ MNS.
Jak praviła, asnoŭnaj prykmietaj takich parušeńniaŭ źjaŭlajecca nadzvyčaj niaznačnaja najaŭnaja vyručka pry vialikim patoku pacyjentaŭ, kažuć u MNS. Heta zvyčajna praviarajecca šlacham manitorynhu, paśla pačatku jakoha dola najaŭnych u vyručcy značna pavialičvajecca.
«Administratary ŭ miedycynskich centrach prapanoŭvali pacyjentam raźličycca mienavita najaŭnymi, a pryjom najaŭnych hrašovych srodkaŭ ažyćciaŭlali biez vykarystańnia kasavaha abstalavańnia», — kanstatavali ŭ padatkovym viedamstvie.
Pa vynikach pravierak za dzieviać miesiacaŭ kamiercyjnym miedycynskim centram naličyli 15 młn rubloŭ schavanaj vyručki. Jak vyśvietliłasia, kiraŭniki i niekatoryja supracoŭniki miedcentraŭ taksama atrymlivali častku zarobku ŭ kanviertach.
Adzin sa stamatałahičnych centraŭ u Minskim rehijonie prymaŭ apłatu «mima kasy» na praciahu bolš za čatyroch hadoŭ. Suma schavanaj vyručki skłała 3,3 młn rubloŭ», — havorycca ŭ paviedamleńni MNS.
U vyniku pravierak da adkaznaści pryciahnuli ŭ ahulnaj składanaści bolš za 80 čałaviek, a suma štrafaŭ skłała 200 tys. rubloŭ.
-
«Mnie kazali: ty z hłuzdu źjechaŭ, jaki pašpart, tut Kijeŭ mohuć uziać!» Biełarus raskazaŭ, jak zhubiŭ va Ukrainie dakumienty i try hady nie moh ź jaje vyjechać
-
U Dobrušy čałaviek dabiŭsia kampiensacyi ad haspadara aŭčarki, pa vinie jakoj jon straciŭ voka
-
Pry adstupleńni z Chiersona rasijanie vyvieźli karciny niekalkich mastakoŭ, źviazanych ź Biełaruśsiu
Kamientary