Ryžankoŭ zajaviŭ, što Biełaruś vystupaje za jak maha chutčejšaje adnaŭleńnie narmalnaha funkcyjanavańnia miažy ź Litvoj
Łukašenka siońnia pryniaŭ z dakładami ministra zamiežnych spraŭ Maksima Ryžankova, staršyniu Pamiežnaha kamiteta Kanstancina Mołastava i ministra ŭnutranych spraŭ Ivana Kubrakova. Narada tyčyłasia situacyi na biełaruska-litoŭskaj miažy, jakaja zakryta litoŭskim uradam z kanca kastryčnika.
Biełaruś vystupaje za jak maha chutčejšaje adnaŭleńnie narmalnaha funkcyjanavańnia miažy ź Litvoj. Pra heta pa vynikach dakłada Łukašenku zajaviŭ žurnalistam ministr zamiežnych spraŭ Maksim Ryžankoŭ, piša BiełTA.
«Łukašenku daniesiena situacyja, jakaja składajecca na miažy, pra miery, jakija prymajucca ź biełaruskaha boku z metaj jak maha chutčejšaha ŭrehulavańnia dadzienaj situacyi i adkryćcia punktaŭ propusku. Pierš za ŭsio ŭ intaresach ludziej — hramadzian Biełarusi, Litvy, a taksama hramadzian trecich krain, jakija karystalisia hetaj miažoj u svaich pierasoŭvańniach.
Łukašenkam dany adpaviednyja daručeńni, jak paskoryć praces adnaŭleńnia narmalnych adnosin ź litoŭskim bokam pa pytańni funkcyjanavańnia dziaržaŭnych miežaŭ», — skazaŭ ministr.
Kanstancin Mołastaŭ zajaviŭ, što orhany pamiežnaj słužby Biełarusi hatovyja da paŭnavartasnaj pracy va ŭsich punktach propusku, a taksama da lubych źmien abstanoŭki, jakaja składajecca na dziaržaŭnaj miažy.
Ivan Kubrakoŭ prainfarmavaŭ Łukašenku pra situacyju ŭ pamiežžy, dzie z-za zakryćcia Litvoj punktaŭ propusku skapiłasia bolš za 1 000 hruzavych aŭtamabilaŭ, u tym liku pakinutych uzdoŭž prajeznaj častki, a taksama pra vykanańnie raniej dadzienych daručeńniaŭ pa pieramiaščeńni hetych aŭtamabilaŭ na achoŭnyja stajanki.
-
«Vaŭkoŭ bajacca — u les nie chadzić». Jak uładkavany biznes biełaruskaha pierakupščyka ŭ Polščy
-
«Da apošniaha nie viedała, što kvaternaje pytańnie moža vyrašycca». Mama trojni raskazała, jak navažyłasia prasić žyllo ŭ Łukašenki
-
U Branskaj vobłaści ad udaru bieśpiłotnika paciarpieła biełaruska. Joj amputavali kancaviny
Kamientary