Ruhinienie: Nam udajecca kantralavać nie tolki kantrabandu, ale i sami šary
Premjer-ministarka Litvy Inha Ruhinienie zajaviła, što jaje krainie ŭdajecca trymać pad kantrolem hibrydnyja ataki z boku Biełarusi — u tym liku zapusk kantrabandnych pavietranych šaroŭ, jakija parušajuć pavietranuju prastoru, paviedamlaje LRT.
«Vy, napeŭna, sami bačycie, što my ŭsio radziej zakryvajem aeraport, što nam udajecca kantralavać nie tolki kantrabandu, ale i sami šary, jakija laciać u bok aeraporta. Heta pazityŭny znak», — zajaviła premjer-ministarka Litvy žurnalistam paśla pasiadžeńnia ŭrada 12 listapada.
Inha Ruhinienie paviedamiła taksama, što ź Biełarusi pastupiŭ list z prapanovaj pačać pieramovy, i ŭrad «acenić hety sihnał i prymie adpaviednyja rašeńni».
Pry hetym jana padkreśliła, što Litva zakryła miažu, kab spynić hibrydnuju ataku praz pavietranyja šary, i adznačyła, što pieravozčyki, jakija ciapier zastajucca na terytoryi Biełarusi, stali «zakładnikami situacyi». Pavodle jaje, pratestavać treba nie suprać litoŭskich uładaŭ, a suprać režymu ŭ Biełarusi.
Kiraŭnica litoŭskaha ŭrada taksama nahadała, što padarožničać i vieści biznes ź Biełaruśsiu ciapier niebiaśpiečna, a rašeńnie pra zakryćcio miažy nie było niečakanym — ułady papiaredžvali pra heta zahadzia.
Akramia taho, urad padtrymaŭ papraŭki da Kryminalnaha kodeksa, jakija ŭzmacniajuć adkaznaść za kantrabandu, kali jana stvaraje pahrozu hramadskaj abo nacyjanalnaj biaśpiecy. Źmieny padrychtavała Ministerstva ŭnutranych spraŭ u adkaz na častyja vypadki zapusku kantrabandnych šaroŭ z terytoryi Biełarusi, jakija parušali pracu aeraportaŭ u Vilni i Koŭnie.
Ministr unutranych spraŭ Uładzisłaŭ Kandratovič zajaviŭ, što ciapierašnija sankcyi «niedastatkova strymlivajuć parušalnikaŭ», bo za kantrabandu, ekvivalentnuju kala 1500 pačak cyharet (prykładna 6000 jeŭra), ciapier pahražaje tolki administracyjny štraf, a nie kryminalnaja adkaznaść.
Staršynia asacyjacyi litoŭskich pieravozčykaŭ nazvaŭ Biełaruś «terarystyčnaj dziaržavaj»
Ministr unutranych spraŭ Litvy prapanavaŭ pieravozčykam pratestavać u Biełarusi
Ryžankoŭ zajaviŭ, što Biełaruś vystupaje za jak maha chutčejšaje adnaŭleńnie narmalnaha funkcyjanavańnia miažy ź Litvoj
Daradca premjera Litvy: Biełaruś admoviłasia adkryvać evakuacyjnyja kalidory dla litoŭskich fur
U Litvie raskazali, ci prosiać ZŠA viarnuć tranzit biełaruskich uhnajeńniaŭ praz Kłajpiedu
Ministr zamiežnych spraŭ Litvy nazvaŭ umovu, kali Vilnia moža adkryć miažu ź Biełaruśsiu
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary