Zatrymany eks-kiraŭnik RRB-Banka Vital Drankievič, u minułym sam śledčy
Stanoviacca viadomyja novyja imiony fihurantaŭ vialikaj bankaŭskaj spravy, abo «spravy Softkłuba», jakaja zakruciłasia vakoł viadučaha pravajdara bankaŭskich IT rašeńniaŭ i jaho kiraŭnika Uładzimira Sirotki. Čarhovy zatrymany — vykanaŭčy dyrektar RRB-Banka, u minułym — sam śledčy Departamienta finansavych rasśledavańniaŭ Vital Drankievič.
Jak stała viadoma «Našaj Nivie», byŭ zatrymany vykanaŭčy dyrektar RRB-Banka Vital Drankievič. Heta adbyłosia prykładna 26 kastryčnika (jaho apošni dzień u anłajnie).
Drankievič zajmaŭ pasadu z 2021 hoda, a da taho z 2016‑ha pa 2021‑šy byŭ staršynioj praŭleńnia RRB-Banka. Da momantu, pakul Nacbank nie pieraatestavaŭ jaho z pryčyny «nieadpaviednaści kvalifikacyi i patrabavańniam».
U bankiry Drankievič pryjšoŭ sa śledčych Departamienta finansavych rasśledavańniaŭ.
Proźvišča Drankieviča ŭžo źnikła sa staronki «kiraŭnictva» na sajcie arhanizacyi, z 17 listapada jaho pasadu zajmaje Dźmitryj Cybulin, u čyje abaviazki ŭvachodzić u tym liku kiravańnie aŭtamatyzacyjaj bankaŭskich pracesaŭ.
Drankievič, jak viadoma «Našaj Nivie», prachodzić adnym z padazravanych pa maštabnaj «spravie Softkłuba», sens jakoj u tym, što byccam by isnavała karupcyjnaja zmova pamiž kampanijaj-pastaŭščykom IT-rašeńniaŭ i mieniedžarami šerahu bankaŭ. Jany nibyta atrymlivali adkaty za łajalnaść da kankretnaha pastaŭščyka, ale ŭ pracesie jašče i kreatyŭna niedapłačvali padatki, što i stała pieršasnaj pryčynaj uvahi orhanaŭ.
Čytajcie taksama: Stała viadoma sutnaść spravy Softkłuba
Nahadajem, zatrymańni pačalisia 23 kastryčnika 2025‑ha z aryštu hienieralnaha dyrektara i stvaralnika kampanii «Softkłub» Uładzimira Sirotki.
Čytajcie: Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP
Praz try dni, 26 kastryčnika, siłaviki pryjšli da staršyni praŭleńnia Ceptar Banka Alaksandra Ihnatava. Paźniej stała viadoma pra prablemy ŭ staršyni banka VTB Uładzimira Lichadzijeŭskaha, a taksama pra zatrymańni mieniedžaraŭ siaredniaj ruki ŭ Pryjorbanku.
Kiraŭnictva «Softkłuba» abvinavačvajuć, jak viadoma «Našaj Nivie», va ŭchileńni ad padatkaŭ i dačy chabaru. Nijakaj aficyjnaj infarmacyi pra hetuju spravu jašče nie było.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary