Avijakampanii pakul nie źbirajucca masava kasavać rejsy ŭ Vilniu. Ale precedenty ŭžo jość
U Vilni zajaŭlajuć, što avijakampanii pakul nie płanujuć masava admaŭlacca ad palotaŭ u Litvu, paviedamlaje LRT. Dyrektar departamienta biaśpieki «Litoŭskich aeraportaŭ» Vidas Kšenas adznačyŭ, što pieravozčyki razumiejuć: prablemy, jakija ŭźnikli praz kantrabandnyja pavietranyja šary, nie źviazanyja z samimi aeraportami, tamu havorki pra spynieńnie palotaŭ niama — usie zajmajuć čakalnuju i salidarnuju pazicyju.
Raniej avijakampanija Finnair skasavała adzin viečarovy rejs z Chielsinki ŭ Vilniu, a Air Baltic krychu źmianiła čas dvuch rejsaŭ.
Tolki za apošni vypadak, kali ŭviečary 3 śniežnia pavietranaja prastora nad Vilniaj znoŭ była zakrytaja, niazručnaści adčuli bolš za 3 tysiačy pasažyraŭ. Niekatoryja samaloty nakiravali ŭ Koŭna, a niekalki rejsaŭ skasavali ci zatrymali.
Kab minimizavać prablemy padčas načnych zakryćciaŭ aeraporta, u Litvie razhladajuć mahčymaść pieranosić častku načnych rejsaŭ ź Vilni ŭ Koŭna, u tym liku i ŭ zvyčajny čas.
Vidas Kšenas padkreśliŭ, što Kovienski aeraport maje dastatkovuju infrastrukturu dla absłuhoŭvańnia pavialičanaha pasažyrskaha patoku, choć mohuć spatrebicca dadatkovyja resursy dla naziemnych słužbaŭ.
Za kastryčnik i listapad pavietranaja prastora nad Vilniaj abmiažoŭvałasia 14 razoŭ, adzin raz — nad Koŭnam. U vyniku paciarpieli kala 320 rejsaŭ i bolš za 45 tysiač pasažyraŭ — kala 5% ad ahulnaj kolkaści, absłužanaj za hety čas.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
"kasujuć" damovy, praviły, pahadnieńni,....
[Zredahavana]
>Na radarie šar nie vidien
-Sapraŭdy? A jak ich detektujuć nočču ŭ takoje žudasnaje nadvorje, jak ciapier? Vyhladvajuć u abłokach svaimi vačyma? Na radare bačna ŭsio, što maje dastatkovy pamier, kab adlustroŭvać radyjochvali.
>prijezžajut za hruzom kontrabandisty po śvidietielstvam miestnych žitielej
-Jany mabyć i pryjazdžali kaliści, ale kali ciapier takaja ŭvaha i takija prablemy ad hetych zondaŭ - sumniajusia.
Ni adnyja cyharety nie pierakryjuć toj turemny termin i štraf, jaki daduć za pieraškodu pracy hałoŭnaha nacyjanalnaha aeraporta i straty avijakampanij.
KDB zapuskaje ŭ adzin kaniec, voś i ŭsio.