Вячорка Анжаліцы Борыс: Праблема на баку Лукашэнкі, які не хоча Пачобута выпускаць
Галоўны дарадца Святланы Ціханоўскай Франак Вячорка адрэагаваў на допіс у фэйсбуку былой кіраўніцы Саюзу палякаў Беларусі Анжалікі Борыс, у якім тая звязала адсутнасць сярод вызваленых 13 снежня беларускіх палітвязняў Андрэя Пачобута з тым, што яго нібыта «не было ў спісе беларускай апазіцыі, бо з'яўляецца прадстаўніком польскай меншасці».
Франак Вячорка заявіў:
«Андрэй Пачобут быў у кожным нашым спісе, і агульных і прафесійных. І мы, і саюзнікі, і ЗША, а ў першую чаргу Польшча і польскі ўрад — біліся за Пачобута.
Праблема на баку Лукашэнкі, які не хоча Пачобута выпускаць».
Раней прэс-сакратар МЗС Польшчы Мацей Вевёр паведаміў, што Андрэй Пачобут не вызвалены таму, што адмовіўся напісаць прашэнне аб вызваленні. Такая прапанова, па словах дыпламата, сапраўды існавала, аднак Пачобут яе не прыняў. Але гэта, падкрэсліў прадстаўнік МЗС, не азначае спынення намаганняў па яго вызваленні.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?15
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары