Сіноптык Дзмітрый Рабаў паведаміў, што сапраўдная зіма ў Беларусь усё ж прыйдзе. Паводле яго слоў, ужо на наступным тыдні, з 22 па 28 снежня, надвор’е пачне паступова змяняцца: тэмпература ў большасці рэгіёнаў устойліва пяройдзе ў мінус, а ападкі будуць пераважна ў выглядзе снегу, што прывядзе да фарміравання снегавога покрыва.
У пачатку тыдня яшчэ захаваецца воблачнае надвор’е з дажджамі і мокрым снегам, месцамі магчымыя туманы, галалёд і слізкія дарогі. У панядзелак ноччу чакаецца ад -3 да +2°C, днём — да +4°C. У аўторак тэмпература будзе вагацца ад -2 да +3°C.
З сярэдзіны тыдня істотных ападкаў не прагназуецца, але ўначы і раніцай месцамі з’явяцца туман і галалёдзіца. У сераду ноччу слупок тэрмометра апусціцца да -7°C, а днём у розных рэгіёнах будзе ад -1 да -8°C.
На Каляды, 25 снежня, маразы ўзмоцняцца: уначы тэмпература складзе ад -5 да -11°C, удзень — ад -2 да -8°C. У пятніцу стане крыху цяплей, але ўсё яшчэ з мінусавымі значэннямі.
У выхадныя месцамі магчымыя кароткачасовыя ападкі, туман і слізкія дарогі. Ноччу тэмпература можа апускацца да -10°C, удзень трымацца ў межах -3…-6°C. У нядзелю паветра прагрэецца не вышэй за -5°C.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары