Kiroŭca trapiŭ u DTZ na chutkaści 3 km/h. U jaho zabrali pravy na paŭhoda i aštrafavali na 10 bazavych
Čytač raskazaŭ Onliner pra niaŭdały vypadak, jaki zdaryŭsia ź im 15 śniežnia ŭ Breście. Kiroŭca vyjazdžaŭ z dvara praz arku doma i praz tratuar.
Chutkaść była nievialikaja, ale ahladu faktyčna nie było: źleva ad arki była ŭstalavana vysokaja aharodža, jakaja całkam zakryvała ad kiroŭcy hetu častku tratuara i adnačasova nie davała piešachodam bačyć, što za im adbyvajecca.
— Trapiŭ u davoli dziŭnaje DTZ, — raspaviadaje surazmoŭca. — Jak kiroŭca, jaki vyjazdžaŭ z dvara praz tratuar, ja, biezumoŭna, vinavaty. Ale paźbiehnuć hetaha DTZ, jak ja liču, u mianie nie było mahčymaści.
Adbyłosia sutyknieńnie z maładym čałaviekam na samakacie. Heta trapiła na zapis videarehistratara.
— U momant sutyknieńnia maja chutkaść była 3 km/h, — śćviardžaje čytač. — U samakata — značna vyšejšaja. Pa nastupstvach: z chłopcam usio ŭ paradku, jon navat napisaŭ papieru, maŭlaŭ, zła na mianie nie trymaje i prosić nie pryznačać mnie vialikich štrafaŭ. Samakat u normie. U mašyny łopnuŭ piaredni bampier, uščent raźbity padkryłak, nakładka arki tresnuła i fara padrapanaja.
Byŭ pryznačany razbor u DAI, kudy vyklikali kiroŭcu.
— Było zrazumieła, što ja vinavaty pry lubym raskładzie, — kaža jon. — U mianie było try chadajnictvy: ad chłopca na samakacie, ad mianie samoha i ad majho dyrektara. Napisali, što ad mahčymaści kiravać aŭtamabilem naŭprost zaležyć maja rabota i zarobak, što ŭ mianie małyja dzieci, što žonka moža raźvieścisia. Biezumoŭna, na takich razborach DAI hladzić na pasłužny śpis kiroŭcy.
— Za ŭvieś moj staž u mianie naličyli 97 parušeńniaŭ PDR. Ź ich 20 — sioleta. Ale «višańka na torcie»: heta nie maje parušeńni. Syn atrymaŭ pravy i jeździŭ na majoj mašynie, źbirajučy «listy ščaścia», — kaža surazmoŭca.
U DAI pryniali rašeńnie.
— U mianie zabrali pravy na paŭhoda i dali štraf u 10 bazavych vieličyń (bazavaja vieličynia składaje 42 rubli), — paviedamiŭ čytač. Pavodle jaho słoŭ, rašeńnie jon asprečvać nie budzie.
— Usie ŭ adzin hołas kažuć, što ŭ majoj situacyi karyści z hetaha nie budzie, chiba što ŭ sud na budaŭnikoŭ padavać, jakija ŭstaloŭvali aharodžu. Ale ja nie ŭpeŭnieny, što ŭ mianie jość na heta resursy, — dadaŭ kiroŭca.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
On tak žie zavalił by i v kolasku s riebienkom.
I ŭ Niderłandach stali na darohu zabarony elektravielikaŭ i elektrasamakataŭ.