Cierciel zajaviŭ pra likvidacyju «sietki», jakaja prasłuchoŭvała piłotaŭ
Mahčyma, havorka pra antyvajennaje padpolle — biełaruskich patryjotaŭ, jakija, anałahična jak infarmatary «Biełaruskaha Hajuna», adsočvali vajennuju aktyŭnaść avijacyi.
Kontrraźviedka vyjaviła i likvidavała «šyrokuju, razhalinavanuju sietku zamiežnych śpiecsłužbaŭ», jakaja «pry sadziejničańni peŭnych asob dziejničała na terytoryi Biełarusi» i zajmałasia «prasłuchoŭvańniem piłotaŭ hramadzianskaj i vajskovaj avijacyi». Pra heta žurnalistam zajaviŭ staršynia Kamiteta dziaržaŭnaj biaśpieki Ivan Cierciel pa vynikach dakłada Łukašenku.
Havorka idzie pra ŭstanoŭku techničnych srodkaŭ, što dazvalali prasłuchoŭvać pieramovy piłotaŭ jak hramadzianskaj, tak i vajennaj avijacyi. Taksama vioŭsia manitorynh vakoł režymnych abjektaŭ. «Vialikaja maštabnaja rabota kontrraźviedki dazvoliła likvidavać hetyja pahrozy», — padkreśliŭ Ivan Cierciel.
Chto byŭ aryštavany, BiełTA nie paviedamlaje.
Mahčyma, havorka pra biełaruskich patryjotaŭ, jakija, anałahična jak infarmatary «Biełaruskaha Hajuna», adsočvali vajennuju aktyŭnaść rasijskaj i biełaruskaj avijacyi. Razhornutaja infarmacyja takoha rodu publikavałasia ŭ kanale «Hajuna». Faktyčna, havorka idzie pra dziejnaść antyłukašenkaŭskaha i antyrasijskaha antyvajennaha padpolla ŭ Biełarusi.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny20
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Tak, sučasnyja biełaruskija partyzany, jakija tam "zamiežnyja śpiecsłužby".
Ich taksama treba vyciahvać pry nastupnych abmienach źniavolenych. Adnak infarmacyju pra asob nie dajuć, kino nie zdymajuć, vierahodna kab prytrymać toj abmienny fond i zrabić kanstruktyŭny vyhlad u pieramovach. Cichija represii.
V " Diekłaracija prav čiełovieka " ( mieždunarodn , priniatoj i podpisannoj RB ) jesť punkt : luboj čiełoviek imiejet pravo imieť prijemnik na luboj diapazon . Imienno poetomu paśsivnyje
" antiradary " nie mohut byť zaprieŝieny ni v odnoj iz stran podpisantov . Voditieli pojmut mienia . Zaprieŝieno sozdanije pomiech rabotie . Uhołovka .
Zajavlenije , liš dokazatielstvo , čto v Biełarusi nie do zakonov .