Na skryžavańni vulic Pryharadnaj sa Smorhaŭskim traktam pracuje adziny ŭ Biełarusi prachodčy mikratunelny kompleks, pišuć Minsk-naviny.
Jon prakładvaje na hłybini 10—12 mietraŭ novuju arteryju dla horada — daždžavy kalektar daŭžynioj 670 mietraŭ. Heta klučavy etap maštabnaha prajekta pa adviadzieńni liŭnievych vod.
Hety ŭčastak — samy doŭhi padziemny prachod u miežach prajekta. Z zapłanavanych 670 mietraŭ užo prakładziena bolš za 540.
Raboty viaducca ŭ try źmieny. Niahledziačy na składanyja hrunty i maroznaje nadvorje, za sutki ŭdajecca prajści 10—15 mietraŭ pad ziamloj. Technałohija mikratunelavańnia patrabuje bieśpierapynnaha pracesu.
Z-za pastajannaj padačy vady na režučy instrumient spynieńnie abstalavańnia moža pryvieści da jaho zamiarzańnia, tamu raboty nie spyniajucca ni na chvilinu.
Na pavierchni, u katłavanie, ustanoŭlena damkratnaja stancyja, jakaja praciskaje tunel i mantažuje ścieny z žalezabietonnych trub. Dla ich padačy zadziejničany mahutny 300‑tonny aŭtakran.
Novy kalektar biare pačatak kala žyłoha kompleksu «Paŭnočny Bierah», prachodzić pad vulicaj Karastajanavaj i dalej ciahniecca ŭzdoŭž vulicy Pryharadnaj u bok Daŭhinaŭskaha trakta.
Śpiecyjalisty adznačajuć, što technałohija mikratunelavańnia — nie prosta instrumient, a stratehičnaja nieabchodnaść: kamunikacyi prakładvajucca biez paraliču žyćcia vialikaha horada.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie38
Kamientary