«Usialakuju zarazu nanosicie». Łukašenka paraiŭ žančynam zamiest karystańnia kaśmietykaj iści čyścić śnieh
Alaksandr Łukašenka padčas sustrečy z pracoŭnym kalektyvam AAT «Płanar» vykazaŭsia nakont taho, jak žančynam, na jaho dumku, varta padtrymlivać pryhažość i maładość. Jon zajaviŭ, što najlepšy «recept pryhažości» — heta fizičnaja praca, u pryvatnaści ŭborka śniehu šuflem, a nie kaśmietyčnyja srodki.
«Vy ž tak chočacie być pryhožymi. Usialakuju zarazu na tvar, jašče kudyści na cieła nanosicie, miodam abmazvajeciesia, chtości ŭ paryłku idzie, i hetak dalej. Ja ž heta razumieju, viedaju. Najlepšy miod dla pryhažości — heta šufal u ruki i čyścić śnieh. Paviercie, heta najlepšy srodak», — skazaŭ Łukašenka supracoŭnicam «Płanara».
Jon taksama nahadaŭ, što 2026 hod abvieščany Hodam biełaruskaj žančyny i daručyŭ kiraŭnicy Savieta Respubliki Natalli Kačanavaj i svajoj pres-sakratarcy Natalli Ejsmant padrychtavać mierapryjemstvy, jakija žančyny sapraŭdy zapomniać.
«I na mužykoŭ nie hladzicie. Jany prystrojacca. […] My ŭsie padkabłučniki. Što skažacie, toje i budziem rabić», — zajaviŭ Łukašenka.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary