U italjanskich Alpach mahutnaja łavina syšła sa schiłu i nakryła hrupu łyžnikaŭ VIDEA
Incydent adbyŭsia niepadalok ad kurorta Kurmajor. Vidavočcy źniali na fota i videa, jak vializnaja masa śniehu imkliva spuskajecca z krutoha schiłu ŭ bok ludziej, piša The Independent.
Spačatku łyžniki, zdajecca, nie ŭśviedamlali niebiaśpieki — niekatoryja navat praciahvali ruchacca prosta nasustrač łavinie. Tolki za ličanyja imhnieńni da schodu śniehu mnohija pačali śpiešna ŭciakać.
U vyniku sychodu hetaj łaviny zahinuli jak minimum troje francuzskich harnałyžnikaŭ, jakija apynulisia pad paŭtaramietrovym płastom śniehu. Ratavalnikam nie ŭdałosia ich svoječasova vyciahnuć. Adzin zahinuŭ na miescy, jašče dvoje paśla pamierli ŭ balnicach.
Italjanskija ratavalniki papiaredžvali, što paśla mocnych śniehapadaŭ situacyja ŭ harach stała asabliva niebiaśpiečnaj. Novy śnieh razam z navietranymi śniežnymi našlopkami, jakija lažać na słabych unutranych słajach, stvaraje vysokuju ryzyku schodu łavin. Pavodle pradstaŭnika Italjanskaha alpijskaha ratavalnaha korpusa Fiederyka Katanii, u takich umovach navat adzin łyžnik abo naturalnaje pavieličeńnie nahruzki ad masy śniehu mohuć spravakavać abvał.
Raniej taksama paviedamlałasia pra łavinu ŭ harach Paŭnočnaj Kalifornii, dzie pad śnieham apynułasia hrupa łyžnikaŭ, a dziesiać čałaviek ličacca źnikłymi bieź viestak.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary
Heta niechta, chto byŭ značna bližej da hary trapiŭ pad 1.5 mietra śnieha