Adnak heta nie pieraškodziła ekśpiertam atrymać z hadžeta cikavuju infarmacyju.
33‑hadovaha biespracoŭnaha žychara Minskaj vobłaści supracoŭniki narkakantrolu zatrymali ŭ centry Mahilova ŭ vieraśni 2025 hoda. Padčas asabistaha vobšuku pry im vyjaŭlenyja ŭ płastykavaj butelcy i šejkiery zakładki, jakija jon zachoŭvaŭ z metaj zbytu.
Žadajučy schavać ličbavyja ślady złačynnaj dziejnaści, svoj mabilny telefon mužčyna pasprabavaŭ złamać, adnak ekśpiertam Dziaržaŭnaha kamiteta sudovych ekśpiertyz pa Mahiloŭskaj vobłaści ŭdałosia adnavić pracazdolnaść raźbitaha hadžeta.
Dalej ekśpierty dastali z pamiaci telefona pierapisku i fatahrafii miescaŭ zakładak z hieahrafičnymi kaardynatami.
Dziakujučy hetamu vyjšli na niekalki schovanak u Mahiloŭskim rajonie, ź jakich kanfiskavali jašče kala sotni zakładak.
Zhodna z vynikami ekśpiertyz narkatyčnych srodkaŭ, psichatropnych rečyvaŭ, ich anałahaŭ i prekursoraŭ, kanfiskavanyja ŭ mužčyny i ŭ schovankach zakładki ŭtrymlivali asabliva niebiaśpiečnaje psichatropnaje rečyva alfa-pvp ahulnaj masaj bolš za 200 hramaŭ.
Frahmienty klejkaj stužki, folhi i inšaha materyjału dla ŭpakoŭki, elektronnyja šali, kanfiskavanyja ŭ zatrymanaha, z metaj vyjaŭleńnia DNK daśledavanyja ekśpiertami-bijołahami.
Na šerahu abjektaŭ vyjaŭlenyja epitelijalnyja kletki, jakija z vysokaj stupieńniu vierahodnaści byli nazvanaha mužčyny.
Mužčyna pryznaŭsia, što ŭładkavaŭsia zakładčykam u narkašop, prajšoŭšy pa spasyłcy ŭ miesiendžary, i prapracavaŭ u składzie arhanizavanaj złačynnaj hrupy ŭsiaho kala tydnia.
Pa zadańni kuratara prybyŭ u Mahiloŭ, arandavaŭ kvateru, zabraŭ aptovuju partyju psichatropu, jakuju rasfasavaŭ na drobnyja zakładki, ale raspaŭsiudzić usio nie paśpieŭ (taksama jak i atrymać abiacanaje ŭznaharodžańnie), bo jaho z dokazami złačynstva zatrymaŭ narkakantrol.
Prysud — 10 hadoŭ pazbaŭleńnia voli ŭ papraŭčaj kałonii va ŭmovach uzmocnienaha režymu sa štrafam 100 bazavych adzinak (4500 rubloŭ)
Kamientary