U milicyju źviarnuŭsia 52‑hadovy žychar Pinskaha rajona z zajavaj ab źniknieńni kašalka, u jakim znachodzilisia hrošy i bankaŭskija kartki. Ahulnaja suma naniesienaj jamu škody skłała kala 2000 rubloŭ u ekvivalencie.
Mužčyna rastłumačyŭ, što pa darozie ŭ kramu jamu raptoŭna stała drenna, paśla čaho jaho dastavili ŭ balnicu i praviali terminovuju apieracyju. Viarnuŭšysia da prytomnaści, jon zrazumieŭ, što kašalok z hrašyma źnik, i źviarnuŭsia ŭ milicyju.
Supracoŭniki kryminalnaha vyšuku nieŭzabavie vyśvietlili, što kradziež ździejśniła 48‑hadovaja pinčanka, što pracavała ŭ toj balnicy. Pavodle słoŭ žančyny, ź joj nie praciahnuli kantrakt i jana adpracoŭvała apošni pracoŭny dzień, a tamu raźličvała, što zastaniecca biespakaranaj.
Žančyna prysvoiła sabie najaŭnyja hrošy, jakija znajšła ŭ kašalku, paśla čaho spaliła kašalok u piečy. Pry hetym u nievialikaj kišeni znachodzilisia jašče 500 dalaraŭ ZŠA, jakija jana nie zaŭvažyła — tyja zhareli razam z kašalkom. Skradzienyja srodki jana vykarystała na asabistyja patreby.
Ciapier suprać pinčanki zaviali kryminalnuju spravu pavodle č. 1 art. 205 Kryminalnaha kodeksa Respubliki Biełaruś (kradziež). Častku hrošaj viarnuli zakonnamu ŭładalniku.
Kamientary