Iłaŭski vinzavod u Miadzielskim rajonie, jaki byŭ zasnavany amal 200 hadoŭ tamu, narešcie pradadzieny. Na tarhach 18 lutaha jaho kupili za krychu bolš čym 1,2 miljona rubloŭ, što amal u 10 razoŭ mieniej za pieršapačatkovuju canu, piša Office Life.
Da hetaha zavod naležaŭ miascovamu UP «Iłaŭskaje». Raniej jon byŭ rentabielnym, vypuskaŭ fruktovyja i jahadnyja viny, kalvados, soki i inšuju pradukcyju.
Ale z 2018 hoda pradpryjemstva sutyknułasia ź finansavymi prablemami: vytvorčaść stała niekankurentazdolnaj na fonie rostu cenaŭ na syravinu i źmianieńnia prefierencyj pakupnikoŭ. Zavod byŭ adpraŭleny na sanacyju, adnoj z umoŭ jakoj byli prodaž i pryciahnieńnie inviestara.
Na apošnim etapie zavod pracavaŭ «pa iniercyi», navat arhanizoŭvaŭ pramysłovy turyzm i ekskursii. Prastora dla hetaha była dobraj: zavod byŭ pabudavany ŭ 1832 hodzie miascovym pamieščykam, a kupažny cech zachoŭvajecca ŭ histaryčnym budynku z butavaha kamieniu.
Pieršapačatkovaja cana na tarhach składała kala 11 miljonaŭ rubloŭ, u listapadzie jana była 3,3 miljona. Novamu ŭładalniku pierajšli pamiaškańni, usio abstalavańnie, transpart, syravina i inšaja majomaść.
Pad Minskam na miescy byłoha savieckaha pijanierłahiera źjavicca spa-hatel
Pobač z Kurhanom Słavy za miljon dołaraŭ pradajuć staruju bazu adpačynku. Što heta za abjekt?
Sapraŭdny pałac za 90 rubloŭ. U Biełarusi šukajuć haspadara dla pabudovy 1751 hoda
Jak dziaržava pradała niepatrebnuju łaźniu za 29 rubloŭ, a paśla zabrała i łaźniu, i šalonuju niaŭstojku
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana1
Kamientary