Śviatłana Cichanoŭskaja sustrełasia ŭ Varšavie ź biełaruskimi dobraachvotnikami i vałanciorami
Siońnia Śviatłana Cichanoŭskaja razam z pradstaŭnikom abarony i nacyjanalnaj biaśpieki Abjadnanaha pierachodnaha kabinieta Vadzimam Kabančukom praviała sustreču ź biełaruskimi dobraachvotnikami i vałanciorami, jakija vajavali na baku Ukrainy, paviedamlaje jaje pres-słužba.
Padčas sustrečy Śviatłana Cichanoŭskaja padziakavała biełaruskim dobraachvotnikam za ich mužnaść i pryncypovuju pazicyju ŭ baraćbie suprać rasijskaj ahresii: «Biełaruskija dobraachvotniki zrabili i praciahvajuć rabić vielizarny ŭniosak u baraćbu suprać rasijskaj ahresii. Dziakujučy vam śviet bačyć: biełarusy — nie saŭdzielniki hetaj vajny, a narod, jaki zmahajecca za biaśpieku ŭsiaho rehijonu».
Udzielniki abmierkavali stratehičnaje supracoŭnictva z Ukrainaj i vizit biełaruskaj lidarki va Ukrainu, jaki adbudziecca najbližejšyja miesiacy.
Asobnaja ŭvaha była nadadzienaja pytańniam lehalizacyi biełaruskich dobraachvotnikaŭ va Ukrainie.
Taksama abmierkavali ŭmovy dla biełaruskich vieteranaŭ, a mienavita nieabchodnaść pierahladu normaŭ, jakija faktyčna pryraŭnoŭvajuć biełaruskich dobraachvotnikaŭ da hramadzian krainy-ahresara; zabieśpiačeńnie vypłat siemjam zahinułych; pavieličeńnie terminaŭ lehalnaha znachodžańnia paśla zakančeńnia kantrakta, spraščeńnie lehalizacyi va Ukrainie, stvareńnie miechanizmaŭ resacyjalizacyi paśla słužby.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary