Jeŭrazijskaja ekanamičnaja kamisija pryniała rašeńnie vyzvalić Biełaruś, Armieniju, Rasiju i Kyrhyzstan ad vypłaty mytnych pošlin na ŭvoz niekatorych praduktaŭ pierapracoŭki kakava-baboŭ — nieabiastłuščanaj kakava-pasty, kakava-aleju i kakava-tłušču.
Dla Biełarusi ŭstanoŭlenyja biaspošlinnyja kvoty: 5,5 tysiačy ton na adzin ź vidaŭ pradukcyi i 3,5 tysiačy ton — na inšy. Ilhota budzie dziejničać da 30 krasavika 2027 hoda.
Hetyja inhredyjenty vykarystoŭvajucca ŭ vytvorčaści šakaładu, šakaładnych cukierak i inšych kandytarskich vyrabaŭ, a taksama ŭ farmaceŭtyčnaj i parfumiernaj halinach. Čakajecca, što źnižeńnie mytnych vydatkaŭ dazvolić pradpryjemstvam źmienšyć košt syraviny i pavysić efiektyŭnaść pracy.
Pry hetym padkreślivajecca, što tavary, uviezienyja z vykarystańniem ilhoty, možna budzie vykarystoŭvać tolki na terytoryi adpaviednych krain. Rašeńnie nabudzie siłu praź dziesiać kalandarnych dzion paśla aficyjnaha apublikavańnia.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary