Bujnaja sietka zaradnych stancyj zapuściła ŠI-taryfy dla elektrakaraŭ
Sietka stancyj siłkavańnia BatteryFly zapuściła ŭ Biełarusi tak zvanyja ŠI-taryfy dla elektramabilaŭ. Ich sutnaść — u dynamičnym farmavańni koštu siłkavańnia ŭ zaležnaści ad nahruzki na stancyi, piša Office Life.
Košt 1 kVt·h enierhii ciapier moža składać ad 45 da 65 kapiejek. U pieryjady nizkaha popytu siłkavańnie budzie tańniejšym, a ŭ hadziny pik — dziejničaje standartny taryf pa ŭsioj krainie.
Meta novaŭviadzieńnia — raźmierkavać patok aŭtamabilaŭ raŭnamierna na praciahu dnia, źmienšyć utvareńnie čerhaŭ i zrabić karystańnie infrastrukturaj bolš zručnym dla ŭładalnikaŭ elektramabilaŭ. Taki padychod zasnavany na analizie papiarednich źviestak ab zahruzcy stancyj.
Pakul sistema pracuje ŭ testavym režymie ŭ čatyroch haradach. Piłotny prajekt zapuščany ŭ Hrodnie, Mahilovie, Smalavičach i Oršy. Nadalej kampanija płanuje raspaŭsiudzić jaho na ŭsiu krainu.
Karystalniki mohuć praviarać aktualnyja taryfy ŭ mabilnym dadatku. Košt moža źmianiacca ŭ zaležnaści ad dnia tydnia i času, pryčym «tannyja» pieryjady buduć rehularna abnaŭlacca.
Raniej heta sietka taksama ŭkaraniła technałohiju vyznačeńnia svabodnych parkavalnych miescaŭ kala stancyj z vykarystańniem kampjutarnaha zroku.
U Minsku adkryłasia aŭtaškoła tolki z elektramabilami
Źjaviŭsia biaspłatny servis pa pošuku volnych zaradnych stancyj dla elektramabilaŭ
Za dva hady kolkaść elektrakaraŭ pavialičyłasia bolš čym u čatyry razy. A što z zaradnymi stancyjami?
Karanik pra ideju ajčynnaha elektrakara: Troški pieraacanili svaje mahčymaści
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary