Prezident Ukrainy Uładzimir Zialenski paviedamiŭ, što pieramovy pamiž Ukrainaj, Rasijaj i ZŠA ab spynieńni vajny časova prypynienyja praz abvastreńnie situacyi na Blizkim Uschodzie.
Pavodle słoŭ Uładzimira Zialenskaha, ukrainski bok praciahvaje amal štodzionnyja kantakty z pradstaŭnikami Złučanych Štataŭ. Adnak praz padziei vakoł Irana pakul niama nieabchodnych umoŭ i sihnałaŭ dla praviadzieńnia trochbakovaj sustrečy.
Zialenski adznačyŭ, što jak tolki pytańni biaśpieki i ahulnaja palityčnaja situacyja dazvolać adnavić taki farmat pieramoŭ, sustreča adbudziecca. Ukraina, pavodle jaho, da hetaha hatovaja.
Z pačatku 2026 hoda pradstaŭniki troch krain užo praviali niekalki raŭndaŭ kansultacyj. U studzieni i na pačatku lutaha delehacyi sustrakalisia ŭ Abu-Dabi, a ŭ siaredzinie lutaha pieramovy prajšli ŭ Ženievie.
Čarhovuju sustreču płanavali arhanizavać u Abu-Dabi ŭ pačatku sakavika — prykładna z 5 da 8 sakavika. Damoŭlenaść pra jaje była dasiahnutaja jašče da abvastreńnia kanfliktu na Blizkim Uschodzie.
Z 28 lutaha Izrail i ZŠA nanosiać udary pa Iranie, a ŭ adkaz Tehieran ažyćciaŭlaje ataki pa Izraili, a taksama pa amierykanskich vajskovych bazach i dypłamatyčnych pradstaŭnictvach u krainach Piersidskaha zaliva.
«Nie treba nikoha pałochać». Zialenski adreahavaŭ na infarmacyju pra mahčymy vychad Rasii ź pieramovaŭ
Rasija pahražaje vyjści ź pieramoŭ, kali joj nie addaduć uvieś Danbas
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary