U Vialikabrytanii źbirajucca raźmiaścić na funtach zamiest ludziej žyvioł
Bank Anhlii płanuje źmianić dyzajn banknot: zamiest histaryčnych asob na ich mohuć źjavicca vyjavy dzikich žyvioł, piša Politico.
Ciapier na banknotach naminałam 5, 10, 20 i 50 funtaŭ namalavany viadomyja asoby — premjer-ministr Uinstan Čerčyl, piśmieńnica Džejn Ościn, mastak Uiljam Ciornier i matematyk dy infarmatyk Ałan Ćjurynh.
U minułym hodzie Bank Anhlii pravioŭ hramadskaje apytańnie adnosna taho, jakija vyjavy pavinny być na novych banknotach. Z 44 tysiač adkazaŭ kala 60% udzielnikaŭ padtrymali ideju raźmiaścić na ich vyjavy pryrody zamiest architektury, histaryčnych asob, mastactva ci značnych padziej.
Uletku płanujecca druhoje hramadskaje abmierkavańnie, kab vyznačyć, jakija mienavita elemienty pryrody varta vykarystać. Śpiecyjalisty dzikaj pryrody składuć karotki śpis mahčymych varyjantaŭ. Siarod žyvioł, jakija mohuć źjavicca na banknotach, nazyvajuć lisaŭ, barsukoŭ, babroŭ, vaviorak, vydraŭ, aleniaŭ i ciuleniaŭ.
Novyja banknoty źjaviacca ŭ abaračeńni tolki praź niekalki hadoŭ. Hałoŭnaj metaj abnaŭleńnia źjaŭlajecca pavyšeńnie abarony hrošaj ad padrobak.
Pry hetym partret karala Karła III u lubym vypadku zastaniecca na piarednim baku banknot.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary