Namieśnica premjer-ministra Natalla Piatkievič padzialiłasia z žurnalistami padrabiaznaściami prajekta ŭkaza «Ab praviadzieńni ekstrakarparalnaha apładnieńnia», piša BiełTA.
Vice-premjer adznačyła, što Łukašenka niekalki miesiacaŭ tamu daručyŭ jašče raz viarnucca da takoj temy, jak ekstrakarparalnaje apładnieńnie.
«Chaciełasia b, kaniešnie, kab usio adbyvałasia naturalnym šlacham, ale nie zaŭsiody heta atrymlivajecca. Inicyjatyva kiraŭnika krainy zaklučałasia ŭ tym, kab zrabić padychod jašče bolš libieralnym, dać žančynie bolš šyrokuju mahčymaść atrymańnia pracedury EKA», — skazała Natalla Piatkievič.
U adpaviednaści z prajektam ukaza, jaki byŭ razhledžany ŭ Łukašenki, žančynie mohuć być pradastaŭleny dźvie biaspłatnyja sproby EKA. Pry hetym prava na hetyja sproby pradastaŭlajecca nie tolki zamužnim, ale i adzinokim žančynam.
«Łukašenka vielmi nastrojeny na toje, kab žančynam hetuju mahčymaść abaviazkova dać. Niachaj heta budzie i nie niejkaja kałasalnaja kolkaść dziaciej, jakaja vyrašyć demahrafičnyja prablemy ŭ hłabalnym maštabie, ale kožnaje dzicia, kožny novy hramadzianin Biełarusi — heta vialikaje ščaście i vialikaja radaść», — padkreśliła Natalla Piatkievič.
Namieśnica premjer-ministra źviarnuła ŭvahu i na taki faktar, jak uzrost. Zaraz pieršaja biaspłatnaja sproba EKA moža być pradastaŭlena žančynam da 40 hadoŭ. Pry hetym na płatnaj asnovie heta pracedura moža być praviedziena da 50 hadoŭ.
Akramia taho, zachoŭvajecca pryncyp, zhodna ź jakim biaspłatnaja sproba EKA budzie ažyćciaŭlacca tolki ŭ dziaržaŭnych miedycynskich ustanovach. Vice-premjer adznačyła, što ŭ pieraliku arhanizacyj, jakija pradastaŭlajuć praceduru EKA, jość i pryvatnyja miedycynskija ŭstanovy. Razam z tym statystyka pakazvaje, što efiektyŭnaść ekstrakarparalnaha apładnieńnia značna vyšejšaja ŭ dziaržaŭnych ustanovach achovy zdaroŭja.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary