«Telefon, cacki novyja, kocik». Biełarus pakazaŭ viaskovuju prybiralniu i skaryŭ tyktok
Biełarus apublikavaŭ u tyktoku videa viaskovaj prybiralni na vulicy. Jano zavirusiłasia i nabrała 1,6 miljona prahladaŭ za pieršyja dva dni. «Prydumajcie nazvu hetamu tualetu», — źviarnuŭsia aŭtar da karystalnikaŭ i prajšoŭ u prybiralniu, piša BGMedia.
Z vyhladu ničym nie admietnaja viaskovaja prybiralnia znachodzicca za karyčnievymi dźviaryma. Ale ŭsiaredzinie na padłozie zialony «hazon», na ścienach bahatyja kampazicyi sa štučnych kvietak, razbaŭlenyja «pryvitańniem» z Novaha hoda — šarami i bliskučym doždžykam. Na adnoj z raźviešanych unutry karcin možna zaŭvažyć navat kryž. Aśviažalnikaŭ pavietra — niekalki štuk, kolkaść tualetnaj papiery na hetym fonie vyhladaje ścipła — usiaho rułon i ŭpakoŭka.
Vašie nazvanije?)
«Hladzi, telefon, cacki novyja, kocik…» — źviartajecca da aŭtara rolika haspadar tualeta. A paźniej hanarliva dadaje: «Tut jość usio».
«Telefon rabočy, darečy», — kaža jon, a ŭ kadry źjaŭlajecca knopačny aparat.
Paśla «ekskursii» aŭtar videa nie zmoh strymać śmiech. Jaho emocyi mnohija zrazumieli ŭ kamientarach. Ludziej uraziŭ anturaž prybiralni:
- «Hospadzie, ja spačatku padumała, što heta rytualny tualet».
- «Fantastyčny partał času. Sieŭ i zabyŭsia, dla čaho».
- «Dy vy nie razumiejecie, tak kakać viesialej. Heta toj vypadak, kali ŭ tualet telefon možna nie brać».
- «Tualet-śviata. U im možna adznačyć dzień naradžeńnia, Novy hod. [Atrymajecca] patelefanavać siabru. Uvohule, možna zdavać pad žyllo».
- «Sarcir-luks premium-kłasa».
Taksama ŭ kamientaryjach biełarusy cikavilisia, ci pradaje haspadar svaju prybiralniu i ci zmoža zrabić takuju ž pa indyvidualnym zakazie.
Prycisnuła, a prybiralni pobač niama? Raspracoŭščyk zrabiŭ telehram-bot z kartaj hramadskich prybiralniaŭ
«Mnie byccam nas*ali ŭ kubak, a potym zatušyli tudy niedakurki»: rasijanka raskrytykavała minski aeraport
U Barysavie adkryli «razumnuju» aŭtamyjniu. Jaje fiška — u niezvyčajnaj prybiralni
Novy trend u płaniroŭcy pamiaškańniaŭ: sanvuzły ŭnutry pakojaŭ za rassoŭnymi ścienami ci navat bieź ich
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić6
Kamientary