Pa spravie Hajuna asudzili Nastaśsiu ź Viciebska, jakaja rabiła karjeru ŭ vialikich kampanijach u Rasii
Nastaśsia Źvierava atrymała prysud za «sadziejničańnie ekstremisckaj dziejnaści».
Nastaśsi Źvieravaj 40 hadoŭ, jana rodam ź Viciebska. Doŭhi čas žyła ŭ Maskvie.
U 2017 hodzie jana kiravała adździełam pa pracy z klijentami ŭ mižnarodnaj kampanii «Sen-Haben Budaŭničaja Pradukcyja». Paźniej była supracoŭnicaj rasijskaha pradstaŭnictva dackaj karparacyi Danfoss. Paśla sychodu zachodnich brendaŭ z Rasii hety biznes praciahnuŭ pracu pad nazvaj «Rydan RND». Heta kampanija, jakaja raspracoŭvaje prahramnaje zabieśpiačeńnie, inžyniernuju aŭtamatyku i vobłačnyja rašeńni dla sistem ciepła– i choładazabieśpiačeńnia.
Nastaśsiu Źvieravu zatrymali naprykancy 2025 hoda, da suda žančyna praviała ŭ źniavoleńni kala troch miesiacaŭ. Viciebski abłasny sud pryznaŭ jaje vinavataj pavodle častak 1 i 2 artykuła 361‑4 Kryminalnaha kodeksa Biełarusi (sadziejničańnie ekstremisckaj dziejnaści). Pa hetym artykule zvyčajna sudziać tych, chto adpraŭlaŭ paviedamleńni ŭ čat-bot manitorynhavaha prajekta «Biełaruski Hajun».
Pa źviestkach pravaabarončaj arhanizacyi Dissidentby, žančynie prysudzili 3 hady i 6 miesiacaŭ chatniaj chimii.
«Naša Niva» — bastyjon biełaruščyny
PADTRYMAĆ
Kamientary
Adzinaje, što raduje, što amal usim dajuć nie kałoniju, a chatniaju chimiju. Ja tak razumieju, heta praz zhodu Matolko začynić "Hajun".