Zasnavalnika «Ruskaha dobraachvotnickaha korpusa» abvinavacili ŭ padrychtoŭcy zamachu na pravasłaŭnaha miljardera
Jak śćviardžaje FSB, Kanstancina Małafiejeva pavinny byli zabić, jak Darju Duhinu — uzarvać u mašynie.
Fiederalnaja słužba biaśpieki Rasii zajaviła ab praduchileńni zamachu na kiraŭnika rady dyrektaraŭ hrupy kampanij «Carhrad» Kanstancina Małafiejeva.
Pa viersii śpiecsłužby, jaho rychtavaŭ zasnavalnik «Ruskaha dobraachvotnickaha korpusa», hramadzianin Rasii Dzianis Kapuścin, udzielnik vyłazki ŭ Branskuju vobłaść.
FSB śćviardžaje, što zamach na Małafiejeva płanavali ažyćciavić pa toj ža schiemie, jak i zabojstva Darji Duhinaj.
«Arhanizataram złačynstva źjaŭlajecca zasnavalnik i adzin z kiraŭnikoŭ t. zv. «Ruskaha dobraachvotnickaha korpusu», jaki ŭdzielničaje ŭ bajavych dziejańniach suprać rasijskich vojskaŭ na baku Ukrainy, hramadzianin RF Kapuścin Dzianis 1984 h. n.
Terarystyčny akt płanavałasia ažyćciavić šlacham padryvu samarobnaj vybuchovaj pryłady, prymacavanaj pad aŭtamabil Małafiejeva», — havorycca ŭ paviedamleńni.
Dzianis Kapuścin, bolš viadomy pad psieŭdanimami Dzianis Nikicin i White Rex, zajaviŭ, što bajcy jaho «Ruskaha dobraachvotnickaha korpusu» pry padtrymcy «partyzan» zładzili 2 sakavika «apieracyju ŭ Branskaj vobłaści».
Ëść padstavy mierkavać, što Kanstancin Małafiejeŭ źviazany z rasijskimi śpiecsłužbami, jakija i dazvolili jamu ŭzbahacicca. Mienavita praz Małafiejeva viałosia finansavańnie rasijskaj ahientury za miažoj, u pryvatnaści, struktur i piersanalij, jakija adyhrali centralnuju rolu ŭ zachopie Rasijaj Kryma, Daniecka i Łuhanska ŭ 2014 hodzie, a paśla — siłaŭ, jakija sprabavali ažyćciavić dziaržaŭny pieravarot u Čarnahoryi.
Čytajcie taksama:
Što adbyvajecca ŭ Branskaj vobłaści paśla napadu dyviersantaŭ
Dziŭnyja niesupadzieńni ŭ historyi pra «dyviersantaŭ» na Branščynie
«Nas na hetaj zadačy było 45 čałaviek». «Važnyja historyi» pahutaryli z adnym z bajcoŭ «Ruskaha dobraachvotnickaha korpusa»
«Bojciesia svaich partyzan». U ofisie prezidenta Ukrainy prakamientavali situacyju ŭ Branskaj vobłaści
«Padnimajcie bunt». Adkaznaść za padziei ŭ Branskaj vobłaści ŭziaŭ na siabie «Ruski dobraachvotnicki korpus»
U roznych haradach Rasii — vybuchi, ataki bieśpiłotnikaŭ, navat «praniknieńnie DRH»
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary