U RNPC traŭmatałohii i artapiedyi raskazali pra samyja składanyja apieracyi — niekatoryja doŭžacca da 11 hadzin
U centry pravodzicca kala 25—30 apieracyj štodnia.
Dyrektar RNPC traŭmatałohii i artapiedyi Michaił Hierasimienka raskazaŭ pra składanyja apieracyi, jakija pravodziacca ŭ centry.
«U centry pravodzicca kala 25—30 apieracyj štodnia. U asnoŭnym heta apieracyi samaha vysokaha ŭzroŭniu składanaści. Dla paraŭnańnia mahu skazać, što adna apieracyja pry skalijatyčnaj defarmacyi pazvanočnika moža doŭžycca da 11 hadzin. Apieracyi pry ciažkich traŭmach taza, kaściej, kaniečnaściaŭ taksama mohuć doŭžycca 5—6 hadzin», — raskazaŭ Hierasimienka ŭ efiry STB.
Sam jon śpiecyjalizujecca na patałohii kalennaha sustava. Heta artraskapičnaje lačeńnie, pratezavańnie kalennaha sustava. «Viadoma, nie tak časta davodzicca ciapier chadzić u apieracyjnuju, jak u maładości, kali ja pracavaŭ zvyčajnym doktaram u adździaleńni i vykonvaŭ 2—3 apieracyi ŭ dzień. Ciapier ja starajusia niekalki razoŭ na tydzień vyjści ŭ apieracyjnuju, papracavać», — padzialiŭsia dyrektar RNPC.
U Biełarusi ŭ 2025 hodzie vykanali bolš za 19,5 tysiačy apieracyj pa zamienie sustavaŭ.
«Kali jašče 2‑3 hady tamu čas čakańnia apieracyi składaŭ 3‑5 hadoŭ (u zaležnaści ad rehijona), to ciapier ad 1 miesiaca da 5 miesiacaŭ. U siarednim pa krainie — kala 3 miesiacaŭ».
Kala 33% usich endapratezaŭ, jakija impłantujucca ŭ krainie, biełaruskaj vytvorčaści.
«Ja dumaju, što na praciahu 2‑3 hadoŭ my vyjdziem na absalutnuju bolšaść ajčynnych endapratezaŭ, jakija buduć impłantavacca ŭ našaj krainie. Ale heta nie na škodu jakaści. Našy ajčynnyja endapratezy absalutna nie sastupajuć pa jakaści impartnym», — zapeŭniŭ dyrektar RNPC.
U harach Kyrhyzstana z drona adšukali cieły źnikłych biełaruskich alpinistaŭ8
Kamientary