Inicyjatyva «Ekadom» padrychtavała ček-list — jak praviarać zdaroŭje z ulikam mahčymych doŭhaterminovych nastupstvaŭ Čarnobylskaj trahiedyi.
Što ŭvachodzić u standartnuju štohadovuju pravierku?
Kansultacyja terapieŭta/doktara ahulnaj praktyki:
- ahulny ahlad;
- vymiareńnie arteryjalnaha cisku;
- vymiareńnie rostu i vahi, raźlik IMT (indeksu masy cieła);
- zbor anamniezu (abmierkavańnie ahulnaha samaadčuvańnia, najaŭnaść skarhaŭ, spadčynnych zachvorvańniaŭ).
Łabaratornyja analizy kryvi:
- Ahulny analiz kryvi (AAK): dapamahaje acanić ahulny stan arhanizma, vyjavić zapaleńni, aniemiju.
- Bijachimičny analiz kryvi (bazavy): hlukoza (cukar u kryvi), ahulny białok, bilirubin, AŁT, AST (pakazčyki pracy piečani), kreacinin, mačavina (pakazčyki pracy nyrak).
- Lipidahrama: ahulny chalesteryn, ŁPVP, ŁPNP, tryhlicyrydy (dla acenki ryzyki sardečna-sasudzistych zachvorvańniaŭ).
- Uzrovień homacysteinu ŭ kryvi: hety pakazčyk źjaŭlajecca markieram ryzyki sardečna-sasudzistych zachvorvańniaŭ i, zhodna z analitykaj, moža być pavyšany ŭ moładzi z zakranutych rajonaŭ.
Funkcyja ščytapadobnaj załozy:
- Tyreatropny harmon (TTH): asnoŭny pakazčyk pracy ščytapadobnaj załozy.
- Dadatkova (pa pryznačeńni doktara): svabodny T3, svabodny T4, antycieły da tyreapieryksidazy (AT da TPA) — kali TTH adchileny ad normy abo jość padazreńni na aŭtaimunnyja pracesy.
Instrumientalnyja daśledavańni:
- EKH (elektrakardyjahrafija): dapamahaje vyjavić źmieny ŭ pracy serca, takija jak parušeńni rytmu, źmieny ŭ mijakardzie.
- UHD ščytapadobnaj załozy: dazvalaje acanić strukturu i pamier ščytapadobnaj załozy, vyjavić vuzły abo inšyja źmieny.
Pa pakazańniach doktara mohuć być i inšyja pravierki — naprykład, kansultacyja kardyjołaha, endakrynołaha.
Važna pamiatać, što ład žyćcia maje značeńnia. Zdarovaje charčavańnie, rehularnaja fizičnaja aktyŭnaść, dastatkovy son, admova ad škodnych zvyčak značna palapšajuć tvajo zdaroŭje i ŭstojlivaść arhanizma.
Kamientary