Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
U siecivie rehularna źjaŭlajucca videa ź Minska, na jakich pakazvajucca treščyny i paškodžańni mastoŭ i puciepravodaŭ. Śpiecyjalisty z pradpryjemstva «Haraŭtamost» rastłumačyli ahienctvu «Minsk-Naviny», što nasamreč situacyja ź imi nie źjaŭlajecca krytyčnaj, choć asobnyja abjekty i sapraŭdy patrabujuć ramontu.
Najpierš havorka idzie pra puciepravod na vulicy Prytyckaha. Tam užo pravodzilisia značnyja raboty: umacoŭvali apory, zamianiali darožnaje pakryćcio, rabili novuju hidraizalacyju i abnaŭlali defarmacyjnyja švy. Heta nieabchodna, kab vada nie traplała ŭ kanstrukcyi i nie razburała ich znutry. Pavodle zaklučeńnia śpiecyjalistaŭ, ahulny stan hetaha abjekta zastajecca zdavalniajučym, a jaho hruzapadymalnaść adpaviadaje normam.
Treščyny, jakija zaŭvažyli ludzi, u asnoŭnym źviazanyja z technałahičnymi asablivaściami ramontu — naprykład, z usadkaj materyjałaŭ paśla ŭmacavańnia kanstrukcyj. Takija defiekty nie ŭpłyvajuć na tryvałaść mosta. U niekatorych miescach, dzie zafiksavali asłableńnie, dadatkova pastavili časovyja strachavalnyja kanstrukcyi, kab źnizić nahruzku i padstrachavać apory.
Što da mosta na vulicy Dzianisaŭskaj, to jahony stan sapraŭdy horšy — jon patrabuje kapitalnaha ramontu. Ale navat tam situacyja nie avaryjnaja: pry ŭmovie kantrolu i vykanańnia rekamiendacyj ekspłuatacyju dazvolena praciahvać da pačatku ramontu, jaki płanujuć na 2027 hod. Dla biaśpieki pad dźviuma krajnimi bałkami ŭstalavali dadatkovyja apory. Takija rašeńni vykarystoŭvajucca i ŭ inšych krainach jak časovaja miera.
Na puciepravodzie na vulicy Čyžeŭskich taksama znajšli treščyny, u tym liku karozijnyja. Adnak śpiecyjalisty śćviardžajuć, što jany nie ŭpłyvajuć na biaśpieku ruchu i buduć likvidavanyja padčas biahučaha ramontu. Akramia hetaha, tam płanujuć hiermietyzavać pakryćcio, kab praduchilić traplańnie vady i dalejšaje paškodžańnie.
Asobna adznačajecca, što ŭ 2026 hodzie zapłanavanyja ramontnyja raboty i na inšych abjektach, naprykład na estakadzie na praśpiekcie Dziaržynskaha. Tam buduć adnaŭlać hiermietyčnaść švoŭ, sistemy vodaadvodu i ramantavać kanstruktyŭnyja elemienty.
«Vidać, što apory razvalvajucca». Stan adnaho ź minskich mastoŭ cieraź Śvisłač vyklikaje tryvohu
U Minsku pabudujuć most pamiž Łošycaj i Sierabrankaj. Kali pačnuć?
Nad minskim rynkam «Lebiadziny» pabudujuć 380‑mietrovy puciepravod
U Minsku zakryli vulicu Masiukoŭščyna adrazu ažno na piać hadoŭ. Što tam adbyvajecca?
Kamientary