Deputatka raskazała, chto i dzie jeść syr z čarnobylskich rehijonaŭ
Staršynia Pastajannaj kamisii pa ekałohii i pryrodakarystańni Pałaty pradstaŭnikoŭ Žanna Čarniaŭskaja raskazała, kudy pastaŭlajecca pradukcyja, jakaja vyrablajecca na terytoryjach Biełarusi, zaražanych paśla avaryi na Čarnobylskaj AES.
Fota ilustracyjnaje
Pradukcyja, jakaja vyrablajecca na zhadanych terytoryjach, pa słovach deputatki, pastaŭlajecca i ŭ Rasiju, i ŭ Kitaj, i ŭ Kazachstan — napramkaŭ šmat.
«Viadoma, my nie zmahli b realizavać svaju pradukcyju, kali b nie byli ŭ joj upeŭnienyja. I sapraŭdy, heta smačna. Chto nie viedaje: siońnia syr parmiezan, jaki vyrablajecca ŭ Chojnickim rajonie ŭ filijale AAT «Miłkavita», skuplajuć restaratary Maskvy, Sankt-Pieciarburha, dzie jaho jašče daśpielvajuć 6 miesiacaŭ. Jon pa jakaści nie sastupaje italjanskamu abo francuzskamu syru. Parmiezan vielmi smačny, i nie tolki jon. Našy technołahi pracujuć siońnia, raspracoŭvajuć novyja receptury», — adznačyła Žanna Čarniaŭskaja.
Usio heta, pa jaje słovach, stała mahčymym «dziakujučy našamu prezidentu, jaki nie kinuŭ hetyja ziemli i pastajanna bačyć, jak idzie realizacyja našych dziaržprahram, daje vynik» i dalej «budziem praciahvać hetak ža sama, bo «za 40 hadoŭ napracavali vopyt».
Kamientary
— Naviŝo ti pješ ciu brudnu vodu z oziera, siudi łajno z uśoho sieła źbirajeťsia!
— Možna po-ruski, ja vas nie ponimaju?
— Ja hovoriu: dvoma rukami čierpaj!