U Minsku mužčyna źbiŭ rovaram piensijanierku i spakojna pajechaŭ na pracu
U Minsku vynieśli prysud 57‑hadovamu mužčynu z Oršy, jaki na rovary źbiŭ piensijanierku na tratuary, a paśla źjechaŭ ź miesca zdareńnia, pakinuŭšy paciarpiełuju ŭ niebiaśpiečnym stanie, piša ahienctva «Minsk-Naviny».
Zdareńnie adbyłosia kala 7:45 19 červienia 2025 hoda na chodniku vulicy Mahiloŭskaj. Mužčyna jechaŭ na viełasipiedzie z chutkaściu bolš za 13 km/h. Napieradzie jon ubačyŭ traich piešachodaŭ, jakija išli ŭ tym ža kirunku, ale nie źniziŭ chutkaść i nie padaŭ hukavoha sihnału, bo vyrašyŭ prajechać pamiž imi.
U hety momant 70‑hadovaja žančyna niečakana zrabiła krok ubok, i ravaryst źbiŭ jaje z noh. Jon dapamoh joj padniacca. Žančyna była ŭ šokavym stanie i pakazała mužčynu, što ŭ jaje parvanaja kurtka, a praz tkaninu idzie kroŭ. Adnak mužčyna skazaŭ, što śpiašajecca na pracu, zapisaŭ jaje numar telefona, paabiacaŭ kampiensavać škodu i źjechaŭ.
Chutkuju dapamohu žančyna vyklikała sama. Miedyki dastavili jaje ŭ balnicu. Ekśpierty ŭstanavili, što jana atrymała cialesnyja paškodžańni.
Paśla paciarpiełaja napisała zajavu ab pryciahnieńni ravarysta da adkaznaści, i suprać jaho zaviali kryminalnuju spravu. Mužčyna całkam pryznaŭ vinu, raskajaŭsia, paprasiŭ u žančyny prabačeńnia i dobraachvotna kampiensavaŭ joj materyjalnuju i maralnuju škodu.
Sud pryznaŭ jaho vinavatym u parušeńni pravił, jakija harantujuć biaśpiečnuju pracu transpartu, a taksama ŭ pakidańni čałavieka ŭ niebiaśpiecy. Jamu pryznačyli adzin hod abmiežavańnia voli biez nakiravańnia va ŭstanovu adkrytaha typu i štraf sumaj 40 bazavych adzinak — 1800 rubloŭ.
Mužčyna raniej nie mieŭ sudzimaściaŭ, žanaty i pracuje elektrazvarščykam. Prysud užo ŭstupiŭ u zakonnaje dziejańnie.
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju9
Kamientary
Jeho nado było poniať i prostiť?...
Tak i postupItie, kohda on sob́jot vAŠU doċ-školnicu!
Tam žie skazano nie o "poniať i prostiť"! A o tom, nado li było čiełovieku plunuť na rabotu (kotoruju on, provinciał, našioł v bohatom Minskie i kotoroj navierniaka dorožił), i sidieť riadom s tiotiej. Kotoraja vovsie nie ležała biez čuvstv! Jej pomohli vstať, usadili. Da, ona połučiła ušib/ssadinu i povrieždienije kurtki. No čiełoviek poobieŝał kompiensirovať vsio. Oni obmienialiś nomierami tielefonov. Ili jemu nado było udočieriť potierpievšuju? :))
I kak, sdieržał obieŝanije?