Google u try razy skaračaje abjom biaspłatnaha «vobłaka» dla novych karystalnikaŭ
Kampanija Google pačała testavać novyja praviły dla biaspłatnaha vobłačnaha schovišča. Dla častki novych karystalnikaŭ abjom pamiaci skaracili z 15 da 5 hihabajtaŭ, piša Android Authority.

Raniej kožny novy akaŭnt atrymlivaŭ 15 HB, jakija vykarystoŭvalisia dla Gmail, Google Drive i Google Photos. Ciapier niekatoryja karystalniki bačać tolki 5 HB biaspłatnaj pamiaci.
U Google zajavili, što pakul heta tolki ekśpierymient u asobnych rehijonach. U kampanii ličać, što takija źmieny dapamohuć padtrymlivać jakaść servisaŭ i zaachvociać karystalnikaŭ lepš abaraniać svaje akaŭnty i danyja.
Dakładna nie paviedamlajecca, u jakich krainach dziejničaje novaŭviadzieńnie, ale, pavodle paviedamleńniaŭ miedyja, najbolš skarhaŭ pastupaje z afrykanskich dziaržaŭ.
Pry nieabchodnaści karystalniki, jak i raniej, mohuć pavialičyć abjom schovišča praz płatnuju padpisku.
Bujny chostynh-pravajder Cloudflare vydaŭ rasijskamu miesiendžaru «Maks» paznaku špijonskaha prykładańnia
Kitaj zabłakavaŭ sprobu Meta vykupić raspracoŭščyka ahienta štučnaha intelektu Manus
Cim Kuk sychodzić z pasady hiendyrektara Apple. Chto jaho zamienić?
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
Kamientary