Były kiraŭnik Ofisa prezidenta Ukrainy Andrej Jarmak vyjšaŭ z-pad varty paśla ŭniasieńnia załohu ŭ pamiery 140 miljonaŭ hryŭniaŭ (kala 3,2 młn dalaraŭ). Jon paćvierdziŭ, što znachodziŭsia ŭ płatnaj kamiery pavyšanaha kamfortu.
Paśla vychadu ź izalatara Jarmak zajaviŭ žurnalistam, što nie viedaje imionaŭ tych, chto finansava dapamoh jamu viarnucca na volu, adnak dadaŭ, što hrošy źbirali supolna «šmat čałaviek», piša «Suśpilnie».
Eks-čynoŭnik paćvierdziŭ, što padčas karotkaha aryštu znachodziŭsia ŭ kamiery pavyšanaha kamfortu, znachodžańnie ŭ jakoj apłaciŭ jaho advakat.
Dadzieny servis źjaŭlajecca častkaj maštabnaha prajekta Ministerstva justycyi Ukrainy, zapuščanaha jašče ŭ 2020 hodzie.
U Kijeŭskim śledčym izalatary, dzie znachodziŭsia Jarmak, košt takich VIP-pasłuh źjaŭlajecca samym vysokim u krainie: sutki pražyvańnia tut kaštujuć amal 3 tysiačy hryŭniaŭ (kala 70 dalaraŭ), tydzień — bolš za 10 tysiač (kala 230 dalaraŭ), a miesiac — 15,5 tysiač hryŭniaŭ (350 dalaraŭ).
Były kiraŭnik Minjusta Dzianis Maluska raniej raspaviadaŭ, što ŭ stalicy takija kamiery karystajucca «varjackaj papularnaściu», z-za čaho svabodnych miescaŭ u ich praktyčna nikoli niama, a sam prajekt akazaŭsia vielmi paśpiachovym dla finansavańnia ramontu zvyčajnych biaspłatnych kamier.
Płatnyja kamiery bolš padobnyja na numary ŭ ścipłych hatelach. Tam bolšaja płošča na adnaho čałavieka i mienšaja kolkaść ludziej (časta heta 1— 2‑miascovyja kamiery). Tam novy ramont, izalavany sanvuzieł, jość bytavaja technika — televizar, chaładzilnik, mikrachvaloŭka, časam kandycyjanier i čajnik, bolš jakasnyja łožki i matracy.
Andrej Jarmak byŭ aryštavany 14 maja. Pakolki da piatnicy ŭsiu sumu sabrać nie paśpieli, vychadnyja jon pravioŭ u izalatary.
Eks-kiraŭnik ofisa Zialenskaha prachodzić u spravie pa admyvańni hrošaj praz budaŭnictva elitnych damoŭ pad Kijevam.
Jarmak kiravaŭ Ofisam prezidenta Ukrainy ź lutaha 2020 pa listapad 2025 hod. Jaho nazyvali šerym kardynałam ukrainskaj palityki i faktyčna vice-prezidentam Ukrainy, choć tam niama takoj pasady.
-
«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
-
ZŠA padtrymali Łatviju ŭ baraćbie ź nielehalnaj mihracyjaj i vysoka acanili jaje hatoŭnaść uzajemadziejničać ź Biełaruśsiu
-
U Ispanii pamierła 87‑hadovaja žančyna, sprava jakoj spravakavała ciapierašni palityčny kryzis u krainie
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
[Zredahavana]