Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem
U centry Mahilova budujecca «Jarasłaŭski dvoryk» — užo čaćviortaja pa liku placoŭka ŭ horadzie, pryśviečanaja rasijskim haradam i aformlenaja adpaviednym čynam.
Mahiloŭski harvykankam paviedamiŭ, što ŭ dvary na vulicy Leninskaj, 34 užo ŭźviedzienaja bietonnaja altanka na kałonach, a nieŭzabavie źjavicca i hałoŭnaja razynka novaj zony adpačynku — skaładrom u vyhladzie miadźviedzia, simvała rasijskaha Jarasłaŭla.
U Mahilovie heta ŭžo čaćviorty taki abjekt. Pačałosia ŭsio 20 hadoŭ tamu, kali ŭ 2006 hodzie na vulicy Leninskaj pobač z damami 59 i 61 adkryŭsia Maskoŭski dvoryk z haradkom u vyhladzie Kramla, a ŭ 2007‑m na vulicy Leninhradskaj, 45 źjaviŭsia Tulski dvoryk ź vialikim samavaram. Zusim niadaŭna, letam 2025 hoda, z pompaj i pierarazańniem čyrvonych stužak čynoŭnikami na Leninskaj vulicy adkryli Chabaraŭski dvoryk.
Łakacyju dla Jarasłaŭskaha dvoryka taksama vybrali ŭzdoŭž hałoŭnaj piešachodnaj vulicy Leninskaj, u dvary darevalucyjnaha doma Atlivańnikava (№34) u styli madern. Jašče da vajny pamiž im i domam №32 utvaryŭsia razryŭ u zabudovie, dzie stajali muravanyja haspadarčyja pabudovy i chlebazavod. Niekalki hadoŭ tamu ŭsie histaryčnyja pabudovy tut źnieśli, kab uźvieści jaŭrejski aśvietnicki centr, jaki akazaŭsia absalutna nie źviazany z zabudovaj Leninskaj. Mienavita nasuprać jaho hałoŭnaha fasada ciapier i stvarajecca novy dvoryk.
U vyniku takoha chaatyčnaha budaŭnictva ŭtvaryłasia vypadkovaja płošča, a dvary darevalucyjnych damoŭ akazalisia adkrytymi naŭprost na ažyŭlenuju piešachodnuju vulicu.
Reakcyja žycharoŭ horada ŭ sacyjalnych sietkach na čarhovaje «dobraŭparadkavańnie» akazałasia dalokaj ad adnahałosnaha adabreńnia.
Niekatoryja žychary aburylisia takim puskańniem pyłu ŭ vočy. Jany aburajucca tym, što ŭ histaryčnym centry, dzie abjektyŭna žyvie značna mienš ludziej, čym u spalnych rajonach, uzvodzicca ŭžo čarhovaja dobraŭparadkavanaja dziciačaja placoŭka.
«Čym horšyja dzieci sa spalnych rajonaŭ? Kali my ŭžo pačujem, što dobraŭparadkoŭvajecca dziciačaja placoŭka ŭ dvary pa vulicy Arłoŭskaha? Štości zrabili ŭ 2000-m, ciapier adny karkasy i hnillo».
Jašče adnym słušnym akazałasia pytańnie pra samu kancepcyju.
«Čamu nie Brescki ci Homielski [dvoryk]? Što heta za horad taki Jarasłaŭl, dzie jon znachodzicca — chz», — ščyra ździŭlajecca adzin z kamientataraŭ.
Jaho padtrymaŭ druhi mahiloviec, prapanoŭvajučy značna bolš łahičnuju alternatyvu:
«Jość ideja zrabić biełaruskija dvoryki i na biełaruskaj movie: naprykład, Minski dvoryk. Minijaciura z paznavalnaha pomnika i stylizavany stend z historyjaj horada. Było b kruta».
«Naša Niva» — bastyjon biełaruščyny
PADTRYMAĆ
Kamientary
Jaki jon na... INŠY?! Kali ICH DVA?
Jak u toj prymaŭcy ... - ".....rźbivajcie łob"!