Na Kubani śledam za anieksavanym Krymam pačalisia pieraboi ź bienzinam
Na šmatlikich AZS źnikli papularnyja marki paliva.
U Krasnadarskim krai Rasii pačalisia pieraboi z palivam na aŭtazapravačnych stancyjach. Miascovyja telehram-kanały i žychary Krasnadara paviedamlajuć, što na mnohich AZS całkam skončyŭsia bienzin marak AI-92 i AI-95.
Sa słoŭ kiroŭcaŭ, paliva niama jak u samim abłasnym centry, tak i na trasie ŭ kirunku da akupavanych ukrainskich terytoryj. Na tych stancyjach, dzie bienzin jašče zastaŭsia, imhnienna vyrastajuć vielizarnyja čerhi.
Pry hetym miascovyja žychary adznačajuć, što na kubanskija zapraŭki stali masava pryjazdžać kiroŭcy z anieksavanaha Kryma, pakolki na samim paŭvostravie bienzinu ŭ svabodnym prodažy niama ŭžo niekalki tydniaŭ.
Ułady rehijona pryznali najaŭnaść prablemy, adnak nazvali jaje «karotkačasovymi pierabojami».
Pavodle aficyjnaj viersii čynoŭnikaŭ, pryčynaj kałapsu staŭ «rezki rost popytu». Ažyjatažu nibyta nie vytrymali pryvatnyja zapravačnyja stancyi, jakija zakuplajuć bienzin drobnaoptavymi partyjami. U Apierštabie supakojvajuć, što na AZS bujnych sietkavych apierataraŭ paliva ŭsio jašče jość u najaŭnaści, i ciapier jany terminova karektujuć hrafiki svaich pastavak.
-
Pucin zajaviŭ, što zamiest kiraŭnika CRU achvotniej budzie pieramaŭlacca z Uitkafam i Kušnieram
-
Pašynian zajaviŭ, što Armienija nie budzie pravodzić refierendum ab siabroŭstvie ŭ ES
-
Nivodzin z novych spadarožnikaŭ, jakija prezientujucca jak rasijski anałah Starlink, pakul nie vyjšaŭ na naležnuju arbitu
Kamientary
Mazyr, Navapołack, jak tam spravy? Usio dobra?
Žiełaju Ukrainie čaŝie i bolšie biť po rośsijskim npz, zavodam, składam, portam, bazam i vsiemu tomu, čto pričastno k rośsijskomu impierskomu dier..mu.